Turistët austriakë vijnë për pushime në Shqipëri dhe çajnë gomat në rrugë
Infrastruktura në Shqipëri është në gjendje të mjerueshme dhe këtë e tregojnë vazhdimisht denoncimet e mbërritura çdo ditë në redaksinë tonë. Rrugë të amortizuara, me gropa, puseta të hapura, apo të paasfaltuara fare, janë ato që të zë syri kudo.
Por nëse për disa shqiptarë kjo është pjesë e realitetit të përditshëm ku jetojmë, për turistët është krejt ndryshe. Një çift turistësh austriakë janë përballur me një situatë të pakëndshme dhe të papritur ditën e sotme.
Teksa udhëtonin në rrugën dytësore të Vorës, pranë mbikalimit të Rinasit, me mjetin e tyre kamper me rimorkio, ata janë përballur me një gropë gjigante dhe kanë çarë gomat.
Një qytetar është ndaluar për t’i ndihmuar në ndërrimin e gomës, ndërsa një tjetër ka denoncuar në redaksinë tonë gjendjen skandaloze të rrugëve dhe pretendimet për të hyrë në BE duke patur këtë infrastrukturë./joq