Rama nis vizitën zyrtare në Kosovë - Takime me Osmanin dhe Kurtin
Kryeministri Edi Rama ka nisur vizitën zyrtare në Kosovë në kuadër të 18-vjetorit të pavarësisë, e cila festohet më 17 shkurt.
Shefi i qeverisë shqiptare ka mbërritur në Prishtinë, ku është pritur nga presidentja Vjosa Osmani, me të cilën ka zhvilluar një takim kokë më kokë. Zyra e shtypit e kryeministrit Rama ka publikuar fotografi nga takimi i mbajtur në zyrën e presidentes Osmani.
Gjatë qëndrimit në kryeqytetin e Kosovës, pas takimit me presidenten Osmani, Rama pritet të zhvillojë një takim edhe me kryeministrin Albin Kurti.
Në agjendën e vizitës së tij përfshihet gjithashtu pjesëmarrja në promovimin e librit “Kur heshtja flet” të autorit Ahmet Shala, si dhe mbajtja e një leksioni të hapur me të rinjtë e Universitetit “Hasan Prishtina” dhe me nxënësit e gjimnazit “Sami Frashëri”.