CNN përballet me pakënaqësi ndaj kronikës të ‘inskenuar’ të shpëtimit të të burgosurve sirianë
Një sirian që u mendua se se ishte një i burgosur i shpëtuar nga media amerikane CNN, ka rezultuar se ishte një ish-oficer i inteligjencës në qeverinë e Bashar al-Assad. Pas një ofensive të rrufeshme që përmbysi regjimin 24-vjeçar këtë muaj, luftëtarët e opozitës liruan mijëra njerëz nga një rrjet burgjesh të drejtuar nga ish-qeveria.
Kronika e prodhuar nga CNN që dokumenton atë që pretendonte se ishte shpëtimi i të burgosurit ka ngjallur kritika të gjera, duke e detyruar median të rishqyrtojë pretendimet.
Videoja, e transmetuar të enjten, tregon Clarissa Ward të CNN dhe ekipin e saj, të shoqëruar nga një luftëtar i opozitës, duke raportuar nga një burg sekret në kryeqytetin, Damask, dhe duke u përplasur me një "të burgosur të fshehur". “Unë jam një civil. Unë jam një civil, "tha i burgosuri ndërsa ishte fshehur nën një batanije, e më pas doli me duart e ngritura. Burri, i cili e identifikoi veten në video si Adel Gharbal nga Homs, u zbulua se ishte Salama Mohammad Salama, sipas platformës siriane të kontrollit të fakteve "Verify Sy" të dielën - një pohim i konfirmuar më vonë nga vetë hetimi i CNN./aljazeera