Bibla thotë se Jezusi e mohoi të ishte Zot
Nga Gary Miller
Jezusi iu drejtua një njeriu që e kishte quajtur ‘i mirë’, duke e pyetur: ‘Pse më quan të mirë? Askush nuk është i mirë me përjashtim të Perëndisë.’ (Luka 18:19). Dhe ai i tha: "Pse po më pyet për atë që është e mirë?" Ka vetëm Një që është i mirë; por nëse dëshiron të hysh në jetë, zbato urdhërimet.’ (Mateu 19:17).
Vargjet e Biblës që tregojnë se Jezusi (a.s) nuk është Zot, i barabartë me Të ose pjesë e ndonjë "trinie".
1. Mateu 24:36
"Askush nuk di për atë ditë apo orë, as Biri, por vetëm Ati". Këtu Jezusi bën një dallim midis asaj që ai di dhe asaj që Ati di.
2. Mateu 26:39
"Ati im, nëse është e mundur, ma largo këtë kupë, por jo si dua unë, por si do TI". Vullneti i Jezusit është gjithashtu i ndarë nga Vullneti i Perëndisë. Jezusi po kërkon t'i bindet vullnetit të Perëndisë.
3. Gjoni 5:26
"Sepse, sikurse Ati ka jetë në vetvete, kështu i ka dhënë Birit të ketë jetë në vetvete". Jezusi e mori jetën e tij nga Perëndia. Zoti nuk e mori jetën e tij nga askush. Ai është përjetësisht vetëekzistent.
4. Gjoni 5:30
"Unë nuk mund të bëj asgjë nga vetja: gjykoj vetëm siç dëgjoj dhe gjykimi im është i drejtë, sepse nuk kërkoj të kënaq veten time, por atë që më ka dërguar." Jezusi thotë: "Unë nuk mund të bëj asgjë". Kjo tregon se Jezusi po mbështetet në marrëdhënien e tij me Zotin. Ai nuk po përpiqet të "kënaq veten time" (veten e tij), por përkundrazi po kërkon "të kënaqë atë që më dërgoi".
5. Gjoni 5:19
"Biri nuk mund të bëjë asgjë vetëm; ai mund të bëjë vetëm atë që sheh Atin duke bërë, sepse çfarëdo që bën Ati, bën edhe Biri". Jezusi deklaron se po ndjek një model të caktuar nga Perëndia. Ai po shpreh bindje ndaj Zotit.
6. Marku 10:18
"Pse më quan i mirë? Askush nuk është i mirë, me përjashtim të Zotit". Këtu Jezusi bën një dallim mes vetes dhe Perëndisë.
7. Gjoni 14:28
"Ati është më i madh se unë". Kjo është një tjetër deklaratë e fortë që bën një dallim midis Jezusit dhe Perëndisë.
8. Mateu 27:46
"Perëndia im, Perëndia im, pse më ke braktisur?" E paimagjinueshme nëse Jezusi ËSHTË Zoti i mishëruar.
Dr. Gary Miller