Suplementet e pasura me Ginkgo biloba shpienë në aftësi më të shpejta përpunimi dhe memorie më të mirë
Një suplement i lirë në çmim lidhet me aftësi më të shpejta përpunuese dhe memorie më të mirë - dhe këto efekte të dobishme janë vërejtur në vetëm gjashtë javë. Ekstrakti i Gingko biloba, që rrjedh nga pema e lashtë Ginkgo biloba ose pema e flokëve të vajzërisë, është vlerësuar prej kohësh për përfitimet e tij shëndetësore.
Një studim i botuar në Journal of Alternative and Complementary Medicine sugjeron se këto përfitime përfshijnë përmirësimin e kujtesës tek të rriturit e shëndetshëm. Studiuesit kërkuan të shqyrtonin efikasitetin relativisht afatshkurtër (gjashtë javë) të ekstraktit të Ginkgo biloba në funksionimin konigtiv të subjekteve të moshës 55 vjeç e lart.
Në fillim të studimit, 48 pjesëmarrës u caktuan në mënyrë të rastësishme ose në një grup ku merrej ekstrakti Ginkgo biloba ose në grupin e kontrollit placebo.
Për të vlerësuar funksionimin kognitiv dhe të sjelljes së pjesëmarrësve, atyre iu administruan seri testesh neuropsikologjike përpara fillimit të terapisë me ekstrakt Ginkgo biloba/placebo dhe përsëri, pak para përfundimit të regjimit të trajtimit (pas gjashtë javësh).
Çfarë zbuluan studiuesit?
Pjesëmarrësit që morën 180 mg ekstrakt Ginkgo biloba në ditë për gjashtë javë shfaqën përmirësime të konsiderueshme në një detyrë që vlerësonte shpejtësinë e aftësive të përpunimit deri në fund të trajtimit në krahasim me pjesëmarrësit që morën terapinë placebo.
Performanca të përmirësuara në grupin Ginkgo biloba u vunë re gjithashtu në tre nga katër detyrat e mbetura që përfshinin një komponent të përpunimit në kohë dhe shpejtësi.Për më tepër, u gjet një lidhje domethënëse midis llojit të trajtimit (ekstrakti i Ginkgo biloba ose placebo) dhe vlerësimeve të pjesëmarrësve për aftësitë e tyre të përgjithshme për të mbajtur mend.
Në mënyrë të veçantë, më shumë pjesëmarrës në grupin e ekstraktit të Ginkgo biloba vlerësuan aftësitë e tyre të përgjithshme për të kujtuar deri në fund të trajtimit duke i vlerësuar ato si "të përmirësuara" në krahasim me grupin e placebo. Në të kundërt, nuk u gjetën dallime të rëndësishme midis grupeve Ginkgo biloba dhe placebo sipas përfundimit të trajtimit në asnjë nga katër masat objektive të kujtesës.
Një studim i mëparshëm zbuloi gjithashtu se pacientët e diagnostikuar me demencë të lehtë deri në mesatare, duke përfshirë sëmundjen e Alzheimerit, të cilët merrnin 240 mg ginko në ditë për gjashtë muaj, kishin memorie dhe funksion më të mirë njohës sesa ata që merrnin një placebo.
Megjithatë, në këtë pikë nuk mund të nxirren përfundime definitive. Hulumtimet janë të kufizuara dhe studimet e tjera kanë dështuar të japin të njëjtat rezultate.
Për shembull, në një studim të vitit 2012 i cili hulumtonte mbi këtë marrëdhënie arriti në përfundimin se plotësimi me Ginkgo nuk rezultoi në ndonjë përmirësim të matshëm në kujtesën, funksionin ekzekutiv ose kapacitetin e vëmendjes.
Çfarë mund të shpjegojë këtë efekt?
Ginko është i pasur me antioksidantë që mendohet se eliminojnë radikalet e lira - molekula të paqëndrueshme që mund të sulmojnë qelizat e trurit.
Radikalet e lira janë studiuar gjerësisht për efektet e tyre në kushtet e lidhura me moshën, si sëmundjet e zemrës, rënia konigtive- në veçanti, problemet me kujtesën - dhe çmenduria.
Sa Ginkgo biloba është sasia e sigurt për të marrë?
Ginkgo biloba është zakonisht në dispozicion si tableta, kapsula ose tretësirë. Nuk ka asnjë kufi të sipërm të sigurt për Ginkgo biloba në mg, por produktet kanë tendencë të variojnë në fuqi nga 30 mg në 500 mg.
Një dozë e zakonshme ditore mund të jetë 240 mg për të rriturit dhe, si udhëzues i përgjithshëm, duhet të merret për të paktën tetë javë për të parë ndonjë efekt, sipas Agjencisë Evropiane të Mjekësisë (EMA).
Sigurohuni që të lexoni çdo udhëzim në paketim ose fletëpalosje të pacientit përpara se të merrni.
Nuk është e këshillueshme që gratë shtatzëna ose ato që ushqejnë fëmijën me gji të marrin ginko, pasi siguria ende nuk është përcaktuar në këto grupe, sugjeron hulumtimi.
Xhinko mund të ndërveprojë me barna të caktuara duke përfshirë:
Ilaçet kundër depresionit dhe ilaçet kundër ankthit
Medikamente për hollimin e gjakut, të tilla si warfarina ose aspirina - Xhinko mund të përmirësojë efektet e tyre
Antikonvulsantët – ekziston rreziku që gingko mund të shkaktojë kriza të mëtejshme
Barnat anti-inflamatore jo-steroide (NSAIDs)
Anti-virale
Ilaçet e diabetit
Medikamente për presionin e gjakut/ Nga gbnews.com