Qeveria amerikane padit Apple për monopolizimin e tregut të smartfonëve dhe shtypjen e konkurrencës
Shtetet e Bashkuara kanë ngritur një padi historike kundër Apple, duke akuzuar gjigantin e teknologjisë për monopolizimin e tregut të smartfonëve dhe shtypjen e konkurrencës. Në padi, departamenti i drejtësisë thotë se kompania përdori iPhone për të kufizuar ilegalisht konkurrentët dhe opsionet e konsumatorëve. Padia e akuzon Apple edhe për shtypjen e rritjes së aplikacioneve të reja dhe reduktimin e tërheqjes së produkteve rivale. Apple tha se do ta luftojë “fuqishëm” padinë dhe i mohon pretendimet.
Padia e madhe, e depozituar në një gjykatë federale në Nju Xhersi, vlerëson se Apple përdori "një seri rregullash për ndryshimin e formës" në një përpjekje për të "penguar inovacionin" dhe "mbyt" konkurrentët.
Qeveria amerikane përmes kësaj padie akuzon kompaninë me bazë në Kaliforni se i ndalon konkurrentët të ofrojnë shërbime rivale në iPhone, duke e bërë gjithashtu të vështirë për përdoruesit kalimin në sisteme operative alternative.
Në një deklaratë, Prokurori i Përgjithshëm Merrick Garland tha se kompania "minon aplikacionet, produktet dhe shërbimet që përndryshe do t’i bënin përdoruesit më pak të varur nga iPhone".
Padia liston një sërë hapash "anti-konkurruese" që janë ndërmarrë nga kompania, duke përfshirë bllokimin e aplikacioneve, shtypjen e shërbimeve celulare të transmetimit të cloud, kufizimin e portofoleve dixhitale të palëve të treta dhe "zvogëlimin e funksionalitetit" të orëve inteligjente që nuk janë prodhuar nga kompania, raporton noa.al duke cituar bbc./Nga noa.al