Izraeli godet shkollën ku janë strehuar palestinezët në Jabalia, në veri të Gazës
Thursday, 30 May 2024 19:40
Ushtria izraelite kreu sulm ajror ndaj një shkolle në kampin e refugjatëve Jabalia ku palestinezët e zhvendosur janë strehuar në veri të Rripit të Gazës, me pasojë vdekje dhe plagosje, raporton Anadolu.
Dëshmitarët okularë duke folur për Anadolu thanë se ushtria izraelite u tërhoq nga disa pjesë të kampit të refugjatëve Jabalia.Është raportuar se pas tërheqjes së ushtrisë, palestinezët janë strehuar në një shkollë në kamp dhe ushtria izraelite ka bombarduar shkollën në fjalë me mjete ajrore pa pilot (UAV).
Ndërsa u tha se nga sulmi kishte të vdekur dhe të plagosur, nuk u specifikua numri i tyre./AA