Netanyahu uron Trumpin: Kthimi më i madh në histori
Wednesday, 06 November 2024 13:27
Kryeministri izraelit, Benjamin Netanyahu ka uruar Donald Trumpin për shpalljen e fitores së tij në zgjedhjet presidenciale në SHBA, transmeton Anadolu. Kryeministri Netanyahu në postimin e tij në llogarinë e rrjetit sociale X tha Trump shënoi "fitore të madhe".
"Kthimi juaj historik në Shtëpinë e Bardhë premton një fillim të ri për Amerikën dhe një besim të fortë të ripërtërirë në aleancën e madhe midis Izraelit dhe Amerikës", tha Netanyahu. Netanyahu, një nga liderët e parë që uroi Trumpin, tha se Trump, i cili shpalli fitoren e tij, bëri "kthimin më të madh në histori" në zgjedhjet presidenciale.
Kandidati republikan, Donald Trump shpalli fitoren e tij në zgjedhjet presidenciale në SHBA në fjalimin e tij para mbështetësve të tij./AA