Forumi Ekonomik Botëror/ Alex Soros ndan foto me Ramën nga Davos: Shqipëria e para, sepse gjërat shkojnë sipas ..
Alex Soros, djali i filantropit George Soros ka ndarë pamje nga rrjetet e tij sociale nga pjesmarrja në Forumin Ekonomik Botëror në Davos të Zvicrës. Në fotot e publikuara, Soros shihet edhe me kryeministrin Edi Rama. "Në Davos të Zvicrës për Forumin Ekonomik Botëror ku është Shqipëria e para, sepse gjërat shkojnë sipas rendit alfabetik!" thuhet në postimin e tij.
Soros ka marrë pjesë në takime të ndryshme për çështje globale, ndërsa po ashtu në rrjetet e tij sociale ka ndarë shpeshherë foto me kryeministrin.
Alex Soros, djali i miliarderit George Soros, është edhe udhëheqës i Fondacionit për Shoqëri të Hapur. Filantropi George Soros, ia ka dhënë kontrollin e kompanisë së tij me vlerë prej 25 miliardë dollarësh djalit të tij më të vogël, Alex Soros. Pronat e biznesit të Soros përfshijnë Fondacionin e tij jofitimprurës për Shoqëri të Hapur, i cili e ushtron aktivitetin në më shumë se 120 vende anembanë botës./dosja.al