Franca shkel urdhërin e Gjykatës Ndërkombëtare, lejon Netanyahun të fluturojë mbi hapësirën e saj ajrore për herë të dytë
Franca ka lejuar që avioni i kryeministrit izraelit Benjamin Netanyahu të fluturojë mbi hapësirën e saj ajrore për herë të dytë, pavarësisht një urdhër-arresti të vlefshëm të lëshuar nga Gjykata Ndërkombëtare Kriminale (ICC), edhe pse Franca është ligjërisht e detyruar të zbatojë vendimin e gjykatës, ka treguar një hetim nga agjencia Sanad, e cila verifikon faktet për Al Jazeera.
Avioni izraelit përdori hapësirën ajrore franceze për t’u kthyer në Izrael, në kundërshtim me të drejtën ndërkombëtare dhe vendimin e ICC të lëshuar në nëntor 2024, që ka të bëjë me Netanyahun, me arsyetimin se ai mori pjesë në krime lufte dhe krime kundër njerëzimit në lidhje me agresionin e Izraelit në Gaza.
Më 2 shkurt, Franca gjithashtu lejoi avionin e Netanyahut të fluturonte mbi hapësirën e saj ajrore kur ai fluturoi për në Uashington, dhe avioni zgjodhi një rrugë specifike për të shmangur hapësirën ajrore të vendeve të tjera që respektojnë vendimin e ICC.
Franca, si anëtare e GJNP-së dhe nënshkruese e Statutit të Romës që nga viti 1998, është ligjërisht e detyruar të zbatojë vendimet e gjykatës.
Udhëtimi i Netanyahut në SHBA është vizita e tij e parë jashtë vendit që kur ICC mori vendimin e saj.
ICC ka lëshuar urdhër-arreste për kryeministrin izraelit Benjamin Netanyahu dhe ish-shefin e mbrojtjes Yoav Galant, të cilët akuzohen për krime lufte dhe krime kundër njerëzimit në Gaza./EN