E mitura do rregullonte varësen, 75-vjeçari kërkoi ta puthte dhe e ngacmoi seksualisht
Pak ditë më parë, Policia e Tiranës arrestoi një 75-vjeçar pasi kishte ngacmuar seksualisht një vajzë 14-vjeçare dhe kërcënuar me armë sportive nënën e saj. JOQ ALBANIA ka mësuar se i arrestuari është Ndue Ukcenaj, pronar i një argjendari në rrugën "Islam Alla".
Ngjarja ka ndodhur kur e mitura 14-vjeçare ka shkuar në argjendari për të marrë një varëse që do rregullonte te 75-vjeçari. Por në këtë moment, ai raportohet se ka fikur kamerat e sigurisë dhe ka tentuar të puthë vajzën e ta prekë, që ajo mos të paguante për varësen.
Por vajza e tronditur ka arritur të largohet me shpejtësi dhe ka njoftuar nënën e saj, pasi babai i është ndarë nga jeta pak kohë më parë si pasojë e një sëmundje. Kur e mitura është rikthyer sërish në argjendari me nënën, 75-vjeçari Ukcenaj e ka kërcënuar me një armë sportive, pushkë që mbante në ambientet e argjendarisë.
Pas njoftimit të policisë, i moshuari është arrestuar dhe është dërguar në këmbë në ambientet e Drejtorisë së Policisë.
Banorët e kësaj zone thonë se kjo nuk është hera e parë që 75-vjeçari kryen veprime të tilla, arrestohet, por lihet sërish i lirë për shkak të moshës së tij. Ata thonë se Ukcenaj është problematik, manjak dhe se as djemtë nuk i flasin për shkak të veprimeve që kryen.
Ata shpresojnë që ky arrestim të jetë i fundit dhe 75-vjeçari të marrë dënimin e merituar pasi kanë frikë të lënë fëmijët jashtë për shkak të sjelljeve të tij.