Presidenti kolumbian akuzon klanet kriminale shqiptare për atentatin ndaj rivalit
Gustavo Petro, Presidenti i Kolumbisë ka fajësuar grupet kriminale në vend për atentatin ndaj rivalit të tij, Miguel Uribe të Qendrës Demokratike. Në mediat e huaja theksohet se për atentatin ndaj Uribe, Petro ka deklaruar se anëtarët e senatit, po e përdorin këtë sulm për të ndaluar rilindjen kolumbiane. Presidenti Petro deklaroi se vendi duhet të "jetë më i drejtë", por tregoi se ka forca shumë të errëta që duan ta parandalojnë këtë. Pasi tha këtë, petro ka përmendur grupet kriminale shqiptare, që punojnë nga Italia dhe Dubai në Kolumbi.
"Këtu po e keqpërdorin sulmin ndaj Miguel Uribe Turbay, të cilin e refuzoj dhe që më dhemb, si shumë të tjerë që kemi vuajtur në lëvizjet dhe në jetën tonë, dhe që po hetohet plotësisht. Por ata po e përdorin këtë sulm të tmerrshëm për të ndaluar edhe një herë rilindjen kolumbiane dhe për të na kthyer në të kaluarën, me diçka më të keqe: shpërfilljen e institucioneve, kushtetutës dhe ligjeve. Kolumbia është vendi i tretë më i pabarabartë në botë. Dhuna e saj buron nga kjo pabarazi. Kjo është ajo që mafia ka shfrytëzuar për t’u rritur. Mafia përdor përjashtimin për t’u pasuruar në mënyrë të paligjshme dhe për të vrarë. I kemi goditur, kemi bërë përparim në Catatumbo, Micay dhe Nariño. Kemi kapur bosët e mafias shqiptare që punojnë në Dubai dhe Itali. Unë ekstradoj një gangster në ditë dhe shkatërroj 4.5 laboratorë kokaine dhe bazash kokaine çdo ditë. Asnjëherë më parë nuk është sekuestruar kaq shumë kokainë sa gjatë administratës sime. Mafia e ndërkombëtarizuar kolumbiane në kabalin e trafikimit të drogës që është takuar në Cali, Puerto Boyaca, Medellín, Barranquilla dhe Panama, dhe vazhdimisht në Dubai, më urren për atë që bëra kundër tyre dhe për denoncimin e tyre. Ata janë infiltruar në shtet dhe politikë dhe po kërkojnë të më vrasin dhe të shkatërrojnë qeverinë", deklaroi presidenti./joq
