Ish-ambasadori i.zraelit: Irani mund të su.lmojë SHBA-në për ta futur në luftë
Ish-ambasadori izraelit në SHBA, Michael Oren, ka shprehur shqetësimin se Irani mund të sulmojë një anije apo bazë amerikane për të detyruar Uashingtonin të përfshihet në konfliktin me Izraelin.
Në një intervistë për BBC Radio 4, Oren tha se një sulm i tillë do të rriste presionin mbi Presidentin Donald Trump nga brenda administratës së tij, duke e shtyrë atë të ushtrojë presion ndaj Izraelit për t’i dhënë fund luftimeve.
“Është një frikë që kam edhe unë,” tha Oren, duke shtuar se ka njerëz në Shtëpinë e Bardhë që nuk dëshirojnë një tjetër përfshirje ushtarake amerikane në Lindjen e Mesme.
Pavarësisht kësaj, Oren argumentoi se Izraeli duhet të vazhdojë sulmet kundër objektivave iraniane dhe se nuk është momenti për armëpushim.
“Pse dikush do të donte që ne të ndalemi? Pse askush nuk do të donte të shihte Iranin të reduktohet ndjeshëm?” u shpreh ai./en
