Ngjarja misterioze në SHBA, një person ndez një zjarr, lajmëron zjarrfikësit dhe vret dy prej tyre
Vrasja e dy zjarrfikësve ndërsa po i përgjigjeshin një telefonate për një zjarr pranë malit Canfield të Idaho-s të dielën ka tronditur komunitetin e Coeur d’Alene, një veprim që Komisioneri i Qarkut Kootenai, Bruce Mattare, e përshkroi si “të padëgjuar” dhe të vështirë për t’u kuptuar nga banorët.
Zyrtarët thanë se zjarrfikësit po i përgjigjeshin një zjarri në shkurre, i cili më vonë u quajt Zjarri i Nettleton Gulch, kur ranë në pritë. Sulmi shkaktoi një reagim masiv nga agjencitë lokale dhe federale, përfshirë Gardën Kombëtare të Idaho-s, e cila ofroi një helikopter Black Haëk, tha Mattare.
Sulmi ka ngjallur pyetje në lidhje me protokollet e reagimit ndaj emergjencave, shkruan CNN.
Një burrë që besohet se qëlloi për vdekje dy zjarrfikësit, pasi kishte ndezur një zjarr në shkurre në malin Canfield të Idaho-s u gjet i vdekur të dielën në mbrëmje, duke i dhënë fund asaj që autoritetet e përshkruajnë si një sulm me snajper ndaj personelit të zjarrfikësve dhe policies.
Oficerët shkëmbyen të shtëna me armë me të dyshuarin ndërsa ai ishte në arrati, por autoritetet nuk kanë dhënë hollësi se si vdiq. Ai besohet të jetë i vetmi person që ka qëlluar, tha Norris./hashtag