14 ministra i.zraelitë kërkojnë që Netanyahu të aneksojë menjëherë Bregun Perëndimor të okupuar
Në një letër drejtuar kryeministrit Benjamin Netanyahu dhe të shpërndarë nga ministri i financave me tendenca të djathta ekstreme, Bezalel Smotrich, në rrjetin social X, nënshkruesit i bënë thirrje qeverisë që “të aplikojë sovranitetin mbi Judeanë dhe Samarien (Bregun Perëndimor) para përfundimit të sesionit veror të Knessetit”, që mbyllet më 27 korrik.
Ministrat argumentuan se partneriteti strategjik aktual dhe mbështetja e ShBA-së dhe presidentit Donald Trump krijojnë një kohë të favorshme për të udhëhequr këtë hap (aneksimin) tani.
Letra gjithashtu paralajmëroi se njohja e blloqeve të vendbanimeve teksa krijohet një shtet palestinez në tokën tjetër përbën një “kërcënim ekzistencial për Izraelin.”
Ndër nënshkruesit ishin ministrat e mbrojtjes, ekonomisë, bujqësisë, energjisë, komunikimeve, transportit, drejtësisë, turizmit, inovacionit, kulturës, çështjeve të diasporës, arsimit, barazisë sociale, bashkëpunimit rajonal, si dhe kryetari i Knessetit Amir Ohana./trtworld