Ukraina sulmon objektiva ushtarake në Rusi me ATACMS amerikane, Kievi: Hap i rëndësishëm!
Wednesday, 19 November 2025 20:44
Ushtria ukrainase njoftoi se ka sulmuar objektiva ushtarakë në territorin rus duke përdorur raketa amerikane ATACMS. Ushtria e ka cilësuar përdorimin e këtij sistemi armatimi si “një zhvillim të rëndësishëm” në frontin e luftës.
Sipas Shtabit të Përgjithshëm të Forcave të Armatosura të Ukrainës, përdorimi i armëve me rreze të gjatë veprimi “përfshirë edhe sisteme si ATACMS, do të vazhdojë”, duke sinjalizuar intensifikim të kapaciteteve goditëse të Kievit kundër caqeve ruse.