SHBA, mbi 60 për qind e qytetarëve nuk u besojnë akuzave kundër Trumpit
Më shumë se 60 për qind e qytetarëve në SHBA mendojnë se akuzat ndaj ish-presidentit amerikan, Donald Trump janë me “motive politike”.
Universiteti Quinnipiac në shtetin federal amerikan Connecticut, zhvilloi një anketë me 1.776 persona për të shqyrtuar dimensionin social të akuzave kundër Trumpit.
Si pjesë e sondazhit, të anketuarit u pyetën për akuzat ndaj Trumpit.
Sipas sondazhit, 62 për qind e të anketuarve besojnë se çështja kundër Trumpit nga Departamenti i Drejtësisë ishte “e motivuar politikisht” ndërsa 51 për qind e të anketuarve dëshironin që ish-presidenti të ndiqet penalisht.
Gjashtë nga 10 të anketuar deklaruan se është “e papërshtatshme” që Trump të mbajë dokumente sekrete të shtetit në shtëpi pas largimit nga Shtëpia e Bardhë.
– Dokumente konfidenciale nga rezidenca e Trumpit
Shtëpia e Trumpit në Florida u bastis nga agjentët e FBI-së mëngjesin e 8 gushtit 2022, për të hetuar “dokumentet sekrete”.
Duke e përshkruar bastisjen dhe hetimet në vazhdim si “politike”, Trump kërkoi në mënyrë specifike që dokumentet e marra nga Mar-a-Lago të shqyrtoheshin nga “një gjykatës i pavarur ose një gjykatës i posaçëm”.
Hetimet e “dokumenteve konfidenciale” dhe “bastisjet e Kongresit më 6 janar” kundër Trumpit drejtohen nga ish-Prokurori i Përgjithshëm, Jack Smith, i cili u emërua si ekspert i posaçëm.
Më 11 qershor, Trump i quajti akuzat për fshehjen e dokumenteve të klasifikuara shtetërore si “absurde dhe të pabaza”. Burimi: AA