Trump: Netanyahu e ka pranuar planin e paqes për Gazën tani i takon Hamasit
Presidenti i SHBA-së Donald Trump, në një konferencë shtypi nga Shtëpia e Bardhë me kryeministrin izraelit Benjamin Netanyahu, prezantoi planin me 20 pika për të vendosur paqe në Gaza.Presidenti Donald Trump tha të hënën se “është koha” që Hamasi të bjerë dakord për një marrëveshje paqeje, ndërsa përpiqet të ndërmjetësojë një marrëveshje shumëplanëshe për t’i dhënë fund luftës në Gaza dhe për të filluar rindërtimin e rajonit. Trump pretendoi se Izraeli dhe aleatët e tjerë rajonalë kanë rënë dakord me propozimin e tij prej 20 pikash, por se ata do të duhet ende ta bindin Hamasin që ta nënshkruajë.
“Është koha që Hamasi të pranojë kushtet e planit që kemi paraqitur sot”, tha Trump, duke shtuar se mund të ketë gatishmëri të re pas muajsh me viktima të rënda. “Ky është një Hamas i ndryshëm nga ai me të cilin kishim të bënim, sepse janë vrarë mbi 20,000 veta”.
“Udhëheqja e tyre është vrarë tri herë, kështu që keni të bëni me njerëz të ndryshëm nga ata me të cilët kemi të bëjmë ne gjatë katër viteve, pesë viteve të fundit”, vazhdoi ai.
Ata zhvilluan një bisedë telefonike me kryeministrin e Katarit, Mohammed bin Abdulrahman bin Jassim Al Thani. Palët diskutuan mbi propozimin për t’i dhënë fund konfliktit në Gaza, mbi perspektivat për një Lindje të Mesme më të sigurt dhe rëndësinë e forcimit të mirëkuptimit mes vendeve të përfshira. Netanyahu gjithashtu kërkoi ndjesë për një sulm të fundit të kryer në Doha, duke siguruar se incidente të tilla nuk do të përsëriten.
Shpërndarja e ndihmave do të bëhet pa ndërhyrje nga asnjëra palë, nën mbikëqyrjen e OKB-së, Gjysmëhënës së Kuqe dhe institucioneve të tjera ndërkombëtare neutrale. Hapja e pikës kufitare në Rafah në të dy drejtimet do të rregullohet sipas mekanizmave të përcaktuara në marrëveshjen e janarit 2025. Plani garanton se asnjë qytetar nuk do të detyrohet të largohet nga Gaza.
Më parë ai paralajmëroi se nëse Hamasi e refuzon marrëveshjen, SHBA-të do të mbështesin vazhdimin e ndërhyrjes së Izraelit në Gaza.
“Nëse Hamasi e refuzon marrëveshjen, gjë që është gjithmonë e mundur, ata janë të vetmit që kanë mbetur”, tha Trump, duke iu drejtuar kryeministrit izraelit Benjamin Netanyahu. “Por nëse jo, do të keni më shumë mbështetje të plotë për të bërë atë që do të duhej të bënit”.