FBI identifikon Thomas Matthew Crooks si sulmuesin e dyshuar në tentativën për vrasjen e Trump
Byroja Federale e Hetimeve (FBI) ka identifikuar Thomas Matthew Crooks si autorin e dyshuar në atentatin e ish-presidentit amerikan, Donald Trump, transmeton Anadolu.20-vjeçari Crooks është nga Pensilvania, ku ish-presidenti u godit gjatë tubimit të tij zgjedhor në Butler.“FBI ka identifikuar Thomas Matthew Crooks, 20 vjeç, nga Bethel Park, Pensilvani, si subjekt i përfshirë në atentatin e ish-presidentit Donald Trump më 13 korrik në Butler, Pensilvani”, tha FBI.FBI përsëriti se një hetim aktiv dhe në vazhdim është duke u zhvilluar dhe i bëri thirrje kujtdo që ka informacion që mund të ndihmojë me hetimin të kontaktojë byronë.
Momentet e para të të shtënave nisën me të shtëna armësh. Pak çaste më vonë, sipas pamjeve, Trump u pa duke ngritur dorën në anën e djathtë të kokës dhe kishte një vesh të djathtë të gjakosur teksa po largohej nga skena.
"Është e pabesueshme që një akt i tillë mund të ndodhë në vendin tonë. Për momentin nuk dihet asgjë për sulmuesin, i cili tani ka vdekur. Unë u qëllova me një plumb që shpoi pjesa e sipërme e veshit tim të djathtë”, shkroi Trump në platformën e mediave sociale ‘Truth Social’.
Zëdhënësi i Trump-it, Steven Cheung, tha se ish-presidenti është “mirë" pas të shtënave.
"Presidenti Trump falënderon zbatimin e ligjit dhe reaguesit e parë për veprimin e tyre të shpejtë gjatë këtij akti të urryer. Ai është mirë dhe po kontrollohet në një institucion mjekësor lokal", tha Cheung.
Shërbimi Sekret tha se sulmuesi qëlloi disa të shtëna drejt skenës. Përveç sulmuesit, një spektator ka mbetur i vdekur dhe dy të tjerë janë plagosur rëndë. Sulmuesi thuhet se përdori një pushkë të stilit AR-15.
Presidenti amerikan Joe Biden, gjithashtu ka reguar për sulmin ndaj Trump-it.
"Nuk ka vend në Amerikë për këtë lloj dhune. Është e sëmurë, është një nga arsyet që duhet ta bashkojmë këtë vend”, tha Biden në një konferencë për media në shtetin Delaware.
Biden tha se "të gjithë duhet të dënojnë" të shtënat, duke shtuar se "ideja se ka dhunë politike apo dhunë si kjo në Amerikë është thjesht e padëgjuar, thjesht nuk është e përshtatshme".
Shtëpia e Bardhë tha se presidenti foli me Trump-in, pa dhënë detaje./AA