SHBA: 27-vjeçarja shqiptare v.ret burrin e saj dhe pastaj veten për tradhëti?
Saturday, 30 November 2024 19:16
Sabrina Krasniqi, 27 vjeç, dyshohet se ka qëlluar pesë herë ndaj burrit të saj, Pajtim Krasniqi, 34 vjeç, dhe më pas ka vrarë veten në ballkonin e shtëpisë së tyre.Ngjarja e rëndë ndodhi në ballkonin me pamje nga deti të apartamentit të tyre luksoz në Beach Club II Hallandale në Hallandale Beach, në veri të Miamit, rreth orës 12:30 të mëngjesit të së mërkurës, raportojnë mediat.
Policia e Hallandale Beach u përgjigj menjëherë pas të shtënave dhe gjeti trupat e pajetë të çiftit të shtrirë jashtë në njësinë e katit të 45-të. Të dy u shpallën të vdekur në vendngjarje. “Gruaja e Pajtimit zgjodhi t’ia marrë jetën vëllait tim kur qëlloi 5 plumba në gjoksin e tij,” tha Albana Krasniqi Munrett në një postim prekës në Facebook për vëllanë e saj.
“Personi që ai i besoi më shumë, personi që ai zgjodhi për të kaluar jetën e tij, ishte ajo që ia mori atë. Ajo e tradhtoi atë, dashurinë dhe besimin e tij. Ajo e copëtoi familjen time. Ne, motrat dhe vëllezërit e mi, nuk do të jemi më kurrë të njëjtët. Kam frikë se nëna ime nuk do të shërohet kurrë.”
Pamjet ajrore nga hetimi i policisë tregonin vrima plumbash në një derë xhami, me pellgje gjaku poshtë, ndërsa trupat e pajetë dergjeshin aty.
Brenda apartamentit ndodheshin një arush pellushi, dhe një kuti me trëndafila me formë zemre./joq