Tentativa për g.rusht sh.teti në Damask
Zhurma e armëve u dëgjua në kryeqytetin sirian të Damaskut të shtunën në mbrëmje, ndërsa spekulimet u shtuan se një tentativë për grusht shteti ishte duke u zhvilluar. Rrjeti televiziv shtetëror i Agjencisë Arabe Siriane të Lajmeve (SANA) ishte jashtë transmetimit të shtunën mbrëma dhe faqet e internetit të gazetës në gjuhën arabe dhe angleze ishin gjithashtu të paarritshme. Shpërthime dhe të shtëna me armë u dëgjuan pranë shtabit të përgjithshëm dhe ndërtesës së medias shtetërore në kryeqytet.
Burimet lokale thanë se gjeneral brigade Hassam Louka, shefi i drejtorisë së përgjithshme të sigurisë së regjimit po përpiqej të largonte presidentin Bashar el-Assad, i cili me sa duket ishte larguar jashtë vendit të shtunën. Vendndodhja e Asadit nuk dihet aktualisht. Më herët në mbrëmje, një aeroplan ushtarak rus u ul në Aeroportin Ndërkombëtar të Damaskut të shtunën mbrëma, kështu pati spekulime se Assad ishte në bord dhe po kthehej nga takimet në Moskë. Avioni u rinis nga Damasku rreth një orë më vonë. Ka pasur gjithashtu raporte të shumta se Assad dhe familja e tij tashmë janë në Moskë, duke përfshirë të paktën një raport në mediat turke.
U raportuan përleshje midis Gardës Republikane Siriane dhe Divizionit të 4-të të Ushtrisë Arabe Siriane në distriktin Kfar Sousa të Damaskut, me të shtëna me arme të drejtuara në ndërtesa të ndryshme qeveritare.
Ndërkohë, një koalicion i grupeve militante rebele mori kontrollin të premten mbrëma mbi qendrën tregtare veriore të Sirisë dhe qytetin e dytë më të madh, Alepo. Hayjat Tahrir esh-Sham (HTS, dikur Xhebhet en-Nusra) ka marrë gjithashtu kontrollin mbi seksionet Xhebrin dhe el-Sawaik të qytetit Hama, në jug të Alepos.
Sipas Observatorit Sirian për të Drejtat e Njeriut me bazë në Mbretërinë e Bashkuar, forcat e HTS kishin nën kontrollin e tyre 26 rajone dhe qytete në provincën veriore të Hamasë deri të shtunën mbrëma , po ashtu ata ishin duke avancuar në periferi të fshatrave alevite në zonë.
Raporte të veçanta treguan se forcat e HTS po vazhdonin në jug nga Hamasë dhe po shkonin për në Homs. Raporte të pakonfirmuara pohuan se forcat e regjimit të Asadit u panë duke shkatërruar depot e tyre të armëve në fshatin Homs.