Turqia e bindi Iranin dhe Rusinë që të braktisin Assadin, thotë ministri i Jashtëm i Turqisë
Ministri i Jashtëm i Turqisë, Hakan Fidan dha detaje të reja rreth përmbysjes së qeverisë së Bashar Asadit në Siri. Fidan tha të premten se Turqia i kërkoi Rusisë dhe Iranit që të mos ndërhyjnë ushtarakisht për të mbështetur Assadin, ndërkohë që rebelët sirianë avanconin rrufeshëm drejt Damaskut.
"Gjëja më e rëndësishme ishte të bisedonim me rusët dhe iranianët për të siguruar që ata të mos hynin ushtarakisht në ekuacion. Ne patëm takime me [ata] dhe ata e kuptuan," tha Fidan për televizionin turk NTV.
Ai tha se nëse Moska dhe Teherani, të dy aleatët kryesorë të Asadit që nga fillimi i luftës civile në 2011, do t'i kishin ardhur në ndihmë presidentit sirian, rebelët mund të kishin fituar ende, por rezultati mund të ishte me shumë më pasoja.
"Nëse Assad do të kishte marrë mbështetje, opozita mund të kishte arritur fitoren me vendosmërinë e saj, por do të kishte marrë shumë kohë dhe mund të ishte e përgjakshme," tha ai.
Qëllimi i Turqisë ishte të "mbante bisedime të fokusuara me dy lojtarët e rëndësishëm të fuqisë për të siguruar humbje minimale të jetës", shtoi ai./Nga middleeasteye.net