Grupi i Sali Berishës kërkon ndryshimin e ligjit që Amber të kthehet në Sali
Deputetët e Partisë Demokratike kanë paraqitur në Kuvend një draft ligjor për ndryshimin e ligjit, ku të përcaktohet njohja e vetëm dy gjinive, mashkull dhe femër. Është deputeti Tritan Shehu ai që ka ndërmarrë këtë iniciativë, i mbështetur edhe nga kolegët e tij, një nismë e ngjashme e republikanëve në Shtetet e Bashkuara të Amerikës.
“Njihen ligjërisht vetëm dy “gjini”, ashtu si ka bërë njeriun, Perëndia a natyra. Duke goditur kështu edhe të gjitha politikat e “gender fluktuant”, praktikat shkatërruese mbi femijet të atij “genderi”, ndesh me natyrën e të ardhmene tyre”, shkruan ndër të tjera deputeti i PD.
Ai thotë se ky përcaktim në ligj do t’i ndalojë çiftet “homo, trans etj etj seksuale”, që të birësojnë fëmjë.
E paqartë mbetet se çfarë do të ndodhë, nëse supozohet se ky ligj do të kalojë, me ata që janë “tranzituar” aktualisht, siç është rasti i ish-banores së BBV, Amber Candy, dhe a do të kërkojë PD-ja që të kthehet në origjinë, duke rimarrë emrin Sali Alushi.
Kritikët thonë se hartuesit e kësaj nisme janë të paqartë, pasi ngatërrohen konceptet e seksit me identitetin gjinor. Sipas tyre, njeriu lind me një ose seksin tjetër, (me përjashtim të atyre të njohur si hemafrodtë), dhe se zgjedh të identifikohet më pas sipas dëshirës.
