Nënë e bijë gjenden të vdekura në banesë/Detaje nga ngjarja tragjike
Pak minuta pasi dy gra, nënë e bijë u gjetën të vdekura brenda banesës së tyre në Korçë, detaje të tjera kanë dalë në dritë. Eleni Vangjeli 74 vjeç dhe Ornela Vangjeli54 vjeç, jetonin bashkë në këtë banesë, ndërsa e moshuara ishte e paralizuar dhe nuk mund të lëvizte . Për nënën kujdesej vajza e saj. Sipas policisë dyshohet se vajza e saj mund të ketë pësuar arrest kardiak dhe gjatë kësaj kohe e moshuara nuk ka pasur mundësi reagimi.
Nga grupi hetimor bëhet e ditur se banesa ishte plotësisht e mbyllur nga brenda.
Sipas grupit hetimor të dyja kanë pësuar vdekje natyrale, teksa dyshohet se e para ka ndërruar jetë vajza. Ndërkohë për nënën dyshohet se lënia pas dore e medikamenteve ose ndonjë rrethanë tjetër që lidhej me shëndetin e saj mund ti ketë shkaktuar vdekje.
“Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh.
Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale.
Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes”, sqaron policia./Ballkan web