Përplasje diplomatike Vjenë-Moskë! Austria shpalli ‘non grata’ diplomatin rus, Kremlini dëbon përfaqësuesin austriak
Tuesday, 30 September 2025 20:14
Rusia së shpejti do të dëbojë një diplomat austriak në përgjigje të vendimit të Vjenës për të shpallur një diplomat rus person non grata, tha Ministria e Jashtme ruse.
“Tradicionalisht ne i përgjigjemi të gjitha hapave të tillë. Masat kundërsulmuese i janë njoftuar tashmë palës austriake. Një diplomat austriak me rang të ngjashëm do të largohet së shpejti nga Rusia”, tha Ministria e Jashtme ruse.
Më parë, agjencia e lajmeve APA, duke cituar një zëdhënës të Ministrisë së Jashtme, raportoi se Austria kishte shpallur një diplomat rus person non grata. Sipas agjencisë, ai tashmë është larguar nga Austria./balkanweb