Aeroplani me 179 persona në bord rrëshqet nga pista dhe përplaset në baltë, anulohen disa fluturime
Një avion pasagjerësh me 179 persona në bord rrëshqiti në një pistë me baltë pasi u ul në akull. Videoja tregon një Airbus A320 të madh që bie në pistë pasi bëri një ulje të guximshme në aeroportin e Vilnius pas një udhëtimi dy-orësh nga qyteti italian i Bergamos të shtunën. Avioni i kompanisë lituaneze Avion Express, ka tentuar të stabilizohet pasi ka rënë në baltë dhe ujë. Duke reaguar shpejt, piloti ka mundor të gjente rrugën e duhur në mënyrë të sigurt dhe ekuipazhi prej gjashtë personash ka zbritur pa lëndime.
Aeroplani pësoi dëmtime në panelet e tij të poshtme, raportuan mediat italiane dhe incidenti e detyroi aeroportin të ndalonte të gjitha fluturimet hyrëse dhe dalëse për rreth dy orë e gjysmë përpara se të rihapte për trafikun ajror. Nga/ Oranews