Ushtarët izraelitë bastisën spitalin "Kemal Advan" në Gaza dhe plagosën 5 persona
Ministria palestineze e Shëndetësisë në Gaza njoftoi se 5 anëtarë të personelit mjekësor dhe një pacient u plagosën me armë zjarri në spitalin "Kemal Advan", i cili u bastis nga forcat izraelite.
Ministria bëri një deklaratë me shkrim në lidhje me situatën në spitalin "Kemal Advan" në qytetin Beit Lahiya në veri të Rripit të Gazës, të cilin dje e bastisi ushtria izraelite. Në deklaratë thuhet se forcat izraelite ndaluan për një kohë shumë personel mjekësor, pacientë, të plagosur dhe më pas liruan disa prej tyre.
Në deklaratë thuhet se 5 nga personeli mjekësor i liruar dhe pacientët u plagosën nga të shtënat me armë zjarri gjatë kthimit në spital dhe se forcat izraelite ende e mbanin spitalin nën rrethim dhe nuk lejuan lëvizjen brenda ndërtesës.
Forcat izraelite përdorën armë dhe hapën zjarr brenda spitalit dhe nuk lejuan pacientët në spital të kenë qasje në ushqim, ujë dhe energji elektrike. Personeli mjekësor nuk mund të ofronte trajtimin e nevojshëm për fëmijët në terapi intensive dhe nuk kishte ujë as për të përgatitur ushqim.
Në deklaratë i bëhet thirrje OKB-së dhe komunitetit ndërkombëtar të "marrin veprime urgjente" për të shpëtuar fëmijët, të plagosurit dhe pacientët në spital.
Në deklaratën e djeshme të Ministrisë palestineze të Shëndetësisë në Gaza thuhej se ushtria izraelite bastisi spitalin "Kemal Advan", largoi drejtorin e spitalit, Ahmed al-Kahlut dhe më shumë se 70 personel mjekësor nga spitali dhe dërgoi ata në një vend të panjohur.
Ushtria izraelite ka kërkuar që stafi mjekësor dhe pacientët të qëndrojnë në spital të mblidhen në një ndërtesë të vetme dhe të evakuojnë ndërtesat e mbetura. Më tej thuhet se në spital janë 65 të lënduar dhe 12 pacientë fëmijë dhe se në spital nuk kishte energji elektrike, ujë dhe ushqim.
Burimi: AA