Aktivistët izraelitë protestë para Konsullatës së SHBA në Kudsin Perëndimor në mbështetje të Gazës
Një grup aktivistësh hebrenj izraelitë u mblodhën para Konsullatës së SHBA-së në Kudsin Perëndimor dhe protestuan kundër sulmeve të Izraelit në Rripin e Gazës.
Grupi bëri thirrje për ndalimin e luftës sa më shpejt të jetë e mundur dhe mbante fotografi të fëmijëve, grave dhe të moshuarve të vrarë në Gaza.
Erez Jesse, i cili dha deklaratë për mediat në emër të grupit prej afro 100 personash, tha se ata u mblodhën për të protestuar kundër sulmeve të Izraelit në Gaza dhe për të treguar se ata janë në solidaritet me palestinezët që jetojnë në Gaza.
Duke iu referuar presidentit të SHBA-së, Joe Biden dhe kryeministrit izraelit, Benjamin Netanyahu ai tha: "Ne ju mbajmë juve dhe qeveritë tuaja përgjegjëse për vrasjen e 20 mijë njerëzve që janë shkatërruar në Gaza".
Jesse tha se atmosfera në të cilën ndodhet komuniteti hebre në Izrael nuk i lejon ata të vajtojnë palestinezët para opinionit publik. Ai i bëri thirrje Izraelit, SHBA-së dhe bashkësisë ndërkombëtare të "ndalohen sulmet kundër Gazës".
Aktivistët izraelitë anti-luftë i lexuan poezitë e poetit palestinez, Mahmud Dervish "Nën okupim" dhe poezinë "Poezia është më e fortë se avionët e luftës".
Burimi: AA