Ben Blushi, duke argumentuar ekonomikist autonominë e Korçës.
Më poshtë keni një video të vjetër të Ben Blushit ku argumenton krijimin e një zonë të lirë ekonomike, e cila praktikisht do të jetë eskluzive për Greqinë, ku mallrat, shërbimet dhe prodhimet greke do të jenë të pa taksuara. Gjuha e folur në këtë zonë do jetë greqishtja. Blushi thotë se në këtë zonë do të flitet gjuha që njihet reciprocikisht por duhet të jesh naiv të pretendosh reciprocitet me Greqinë, sepse grekët kurrë nuk do të flasin shqip edhe nëse dinë.
Blushi përpiqet ta justifikojë këtë favor të rëndësishëm që i bëhet Greqisë me shfrytëzimin e varfërisë së shqiptarëve, duke thënë se do të hapen vende pune, ku kuptohet që shqiptarët do jenë “yzmeqarë” të grekëve në vendin e tyre.
Videoja dyshohet të jetë bërë në një zyrë ekstremiste greke ku shqiptarëve u propagandohet realizimi i Vorio Epirit.
Propozimi dhe realizimi i këtij projekti është një shërbim i madh i cili i bëhet Greqisë. Zona e lirë ekonomike është hapi i parë drejt një influence të mëtejshme greke apo zaptimi. Ai hap rrugën për një pushtim total ekonomik kulturor gjuhësor grek dhe më tej pasojnë pretendimet për autonomi nga Shqipëria, më pas pavarësi dhe më pas bashkim me Greqinë.
Në të gjitha këto ëndrra greke Blushi bën detyrën e tij me devocion. Domosdo që një pengesë e madhe për ëndrrat me të cilat Blushi fle dhe zgjohet, është feja Islame. Për këtë arsye Blushi ka bërë mision të jetës së tij luftën ndaj Islamit. Për këtë ai përdor romanet e tij mediokre të cilëve iu vendosë tituj provokativ fetar për të ngjallur interes. Ekstremizmi islamofob i Blushi fshihet pas luftës së esktremizmit, por në të vërtetë ky është vetëm kamuflimi që i bën intolerancës, ekstremizmit të vetvetes dhe shërbimit të endrrave greke me Vorio Epir. Ndryshe Blushi është një hajdut që për të shpëtuar vjedhjen e tij thërret kapni hajdutin.
Fjala e Blushit
Është e qartë që pjesa dërmuese e shërbimeve komplekse me Greqinë kalojnë dhe do të kalojnë në të ardhmen nga Korça. Qofshin ato njerëzore, të emigracionit, arsimit kulturës, të tregtisë dhe të investimeve. Që Korça është një zonë e lirë do të thotë që të ketë një standard tjetër ekonomik nga zonat e tjera në Shqipëri, të jetë një zonë me taksa të ndryshme, për investitorë kryesisht, kur themi investitorë duhet të kemi parasysh që në Korçë është vështirë të vijnë francezë apo gjermanë, kryesisht do të realizohen (përfitohen) shumë investime greke dhe kjo është më e favorshme, është më afër, ka një historik që funksionon, njerëzit njohin gjuhën reciprokisht, kanë shërbime prej gati 200 vjetësh. Që Korça zonë e lirë, do të thotë pikërisht këtë gjë, të ketë një qytet në një zonë që mund të thithë më shumë investime, që do të thotë mund të krijosh më shumë vende pune. Këto janë probleme themelore sot në Korçë, papunësia.