Presidenti i SHBA-së, Donald Trump tha se krahas Kanadasë dhe Meksikës ata do të vendosin tarifa edhe ndaj Bashkimit Evropian (BE), duke thënë se "BE-ja e ka kaluar kufirin".
Trump foli me gazetarët në bazën e përbashkët të Forcave Ajrore "Andrews" në Maryland, dhe duke vlerësuar tarifat doganore që vendosi për Meksikën dhe Kanadanë, Trump iu përgjigj pyetjes nëse do të zgjerohen apo jo tarifat.
Në mbarë Gjermaninë po mbahen protesta të mëdha kundër bashkëpunimit të çfarëdolloj forme me partinë e esktremit të djathtë AfD. Në fokusin e protestave ishte edhe unionin konservator i kristiandemokratëve.
Protestat më të mëdha u zhvilluan në Hamburg, në Këln, Leipcig dhe Shtutgart. Njerëzit në mbarë Gjermaninë dolën në protesta në rrugë, për të demonstruar kundër bashkëpunimit me AfD. Sipas të dhënave të policisë në përgjithësi protestat ishin paqësore.
Edhe grupi i tretë i emigrantëve të paligjshëm që mbërritën disa ditë më parë në Shqipëri do kthehen në Itali, transmeton Anadolu. Raportohet se Gjykata e Apelit në Romë ka vendosur që emigrantët e paligjshëm që u vendosën në kampin në Gjadër të Qarkut të Lezhës të kthehen në Itali.
Nga institucionet në Shqipëri nuk ka informacione për çështjen në fjalë, ndërkohë në media raportohet se sipas vendimit të gjykatës, në Itali do të dërgohen më 1 shkurt 43 emigrantët që ndodhet në kampin në Lezhë.
Danimarka hodhi poshtë pa mëdyshje idenë e shitjes së Grenlandës, duke pohuar se ishulli i përket popullit të saj dhe nuk mund të trajtohet si një mall për shitje, transmeton Anadolu.
Ministri danez i Punëve të Jashtme, Lars Lokke Rasmussen theksoi se një transaksion i tillë është ligjërisht dhe politikisht i pamundur."Kjo është e dukshme jo vetëm nga Akti i Vetëqeverisjes, por edhe nga e drejta ndërkombëtare. Nuk mund të shesësh thjesht një territor, që i përket një epoke të shkuar", tha Rasmussen.
Një ish-prift katolik është dënuar me gjashtë vjet burg për abuzim seksual me shtatë fëmijë më shumë se 40 vjet më parë, transmeton Anadolu. Eric Dejaeger abuzoi me gjashtë vajza dhe një djalë, nga mosha 4 deri në 9 vjeç, në fshatin e vogël Igloolik në Nunavut në veriun e largët të Kanadasë. Sulmet ndodhën midis viteve 1978 dhe 1982.
Kjo shënoi herën e pestë që Dejaeger akuzohet dhe dënohet për abuzimin e dhjetëra fëmijëve në territorin në Nunavut dhe në Alberta. "Ai shkatërroi fëmijërinë e tyre, lëndoi marrëdhëniet e tyre me familjet e tyre dhe shkatërroi marrëdhëniet e tyre me kishën e tyre", tha gjykatësi Faiyaz Alibhai.
