Izraeli ka miratuar një ligj të ri për të vendosur dënimin me vdekje dhe për të zhvilluar gjyqe publike për ata që janë përfshirë në sulmet e udhëhequra nga Hamasi dhe marrjen masive të pengjeve në Izrael në tetor 2023. Legjislacioni u miratua me 93 vota pro dhe 0 kundër në parlamentin e Izraelit dhe u sponsorizua në mënyrë të pazakontë bashkërisht nga politikanët e qeverisë dhe të opozitës.
Parlamenti i Iranit ka deklaruar se programi bërthamor i vendit dhe pasurimi i uraniumit nuk do të jenë pjesë e negociatave ndërkombëtare.
Irani e ka zgjeruar mënyrën se si e përcakton Ngushticën e Hormuzit , duke e shndërruar atë në një “zonë të madhe operative” shumë më të madhe se sa ishte para luftës me SHBA-në dhe Izraelin, sipas një oficeri të lartë në Marinën e Gardës Revolucionare (IRGC).
Irani thuhet se ka zhvendosur disa nga avionët e tij ushtarakë dhe civilë në Pakistan dhe Afganistan për shkak të shqetësimeve për sulme të mundshme amerikane.
CBS News, informon se burime e kanë informuar kanalin për këtë.
U vu re se avionë ushtarakë iranianë u dërguan në bazën ajrore Nur-Khan, e cila ndodhet në jug të Islamabadit. Ndër pajisjet ushtarake të dërguara dyshohet të jetë edhe avioni RC-130, një version i modifikuar i avionit të transportit ushtarak C-130 i projektuar për misione zbulimi.
Burimet e kanalit raportuan gjithashtu se pak para fillimit të armiqësive, linja ajrore iraniane Mahan Air çoi disa nga aeroplanët e saj në Kabul.
Ata mbetën në Afganistan pasi hapësira ajrore iraniane u mbyll. Më vonë, mes tensioneve midis Pakistanit dhe Afganistanit, aeroplanët dyshohet se u devijuan në aeroportin e Heratit, pranë kufirit iranian.
Megjithatë, zëdhënësi i qeverisë së talebanëve, Zabihullah Mujahid, i mohoi këto akuza në një deklaratë për CBS News.
Një dron detar i llojit “MAGURA V5”, i pajisur me rreth 100 kilogramë lëndë eksplozive, ka alarmuar autoritetet greke pasi u gjet i bllokuar në brigjet e Lefkadhës. Sipas mediave greke, droni cili njihet si një teknologji sulmi e përdorur nga forcat ukrainase, u diktua fillimisht nga peshkatarë lokalë.
Mediat raportojnë se ekspertët e përshkruajnë këtë pajisje me rrezikshmëri të lartë, dhe e aftë për të asgjësuar objektiva detarë me përmasa të konsiderueshme përmes telekomandimit. Hetimet paraprake të shërbimeve inteligjente sugjerojnë se objektivi i mundshëm i këtij droni ishte një autokolonë anijesh ruse që po lundronte në ujërat e Mesdheut, mes Kretës dhe Maltës, me destinacion portin e Tartusit në Siri. Sipas të dhënave, droni lundrues dyshohet se ka humbur kontrollin ose ka pësuar defekt gjatë tentativës për të goditur flotën ruse.
E sipas mediave greke, baza e dronit detar është në Vlorë, Shqipëri ose në Libinë Perëndimore. Dy porte, një në Adriatik dhe një në Mesdhe, janë vënë nën “lupën” e autoriteteve greke të sigurisë. I pari, në Vlorë, Shqipëri, dhe i dyti, në portin e Misratës në Libinë Perëndimore. Atje, në fakt, një hetim zbuloi së fundmi se Ukraina mban një prani ushtarake, me më shumë se 200 oficerë dhe specialistë të dronëve.
