Kosova dhe Türkiye në Ankara kanë nënshkruar një memorandum mirëkuptimi për të krijuar Komitetin e Përbashkët Ekonomik dhe Tregtar (JETCO), raporton Anadolu.
Ministri turk i Tregtisë, Ömer Bolat dhe ministrja e Industrisë, Ndërmarrësisë dhe Tregtisë e Kosovës, Rozeta Hajdari, në një takim në Ankara diskutuan mundësitë e reja të tregtisë dhe investimeve.
Departamenti i Mbrojtjes së SHBA-së (Pentagon) tha se nuk mbështesin që kundër Rusisë të përdoren sistemet e armëve me rreze të gjatë që i janë dhënë Ukrainës, transmeton Anadolu."Nuk mbështesim përdorimin e aftësive të goditjes me rreze të gjatë kundër Rusisë. Por, municionet, sistemi multi-raketahedhës i lehtë (HIMARS) dhe gjëra të ngjashme po", deklaroi zëdhënësja e Pentagonit, Sabrina Singh në konferencën për media në pyetjen se për cilat sisteme të armëve nuk ka miratim që të përdoren nga Ukraina.
Presidenti i SHBA-ve Joe Biden i ka thënë Emirit të Katarit Sheikh Tamim bin Hamad Al Thani se Hamasi është pengesa e vetme për një marrëveshje armëpushimi në Gaza me Izraelin dhe i ka kërkuar atij që të bëjë presion ndaj grupit për ta pranuar atë.
Biden "pohoi se Hamasi është tani e vetmja pengesë për një armëpushim të plotë" dhe "konfirmoi gatishmërinë e Izraelit për të ecur përpara" me kushtet që ai përcaktoi javën e kaluar, tha Shtëpia e Bardhë në një trankriptim të një telefonate midis dy liderëve të hënën.
Rreth 1.5 milionë burra janë regjistruar për rekrutim në Ukrainë, ka thënë ministria e mbrojtjes.
Nuk ka mundur t`i rezistojë plagëve të marra polici 29-vjeçar i plagosur me thikë në qytetin e Manhajmit të premten. Efektivi, identiteti i të cilit nuk është bërë publik u qëllua egërsisht në kokë e qafë nga një emigrant afgan 25-vjeçar. Ai ishte një ndër 6 personat e plagosur atë ditë. Edhe pse iu nënshtrua një operacioni urgjent e mjekët më pas e vendosën në koma të induktuar në përpjekje për t`i shpëtuar jetën, polici nuk e fitoi dot betejën me vdekjen. “Ky lajm më ka tronditur deri në palcë”, tha kreu i landit Baden-Vyrtemberg, ku ndodhet qyteti Manhajm. Sulmi tregon “rrezikun – shpesh të pallogaritshëm – me të cilin përballen oficerët e policisë çdo ditë”, u shpreh Ëinfried Kretschmann.
