Khalid Meshal emërohet kreu i H"amasit edhe në Gaza – Kush është “dëshmori i gjallë” që i"zraelitët u përpoqën ta helmonin
Sipas kanalit televiziv libanez LBC, zakonisht shumë mirë i informuar si për galaktikat e Hamasit ashtu edhe për Hezbollahun, pasardhësi i Yayha Sinwar tashmë është emëruar zyrtarisht nga Byroja Politike e Hamasit. Ai është (ende nuk ka asnjë njoftim zyrtar) Khaled Meshal, i emëruari i përkohshëm në krye të Byrosë Politike edhe në Gaza. Mashal aktualisht është përgjegjës për të gjitha komunikimet me palët kryesore të përfshira në negociatat me Izraelin.
Aktori i njohur, Ben Affleck, dëshmon kundër ish-partneres, Jennifer Lopez, për pjesëmarrjen e saj sekrete në aktivitetet e Diddy Combs
E gjithë bota po gumëzhin nga një zbulim tronditës që mund të ndryshojë mënyrën se si ne i shohim "yjet" më të mëdhenj të Hollivudit. Thashethemet po qarkullojnë se Ben Affleck kohët e fundit ka dëshmuar kundër ish-të fejuarës së tij, Jennifer Lopez, për përfshirjen e saj të dyshuar sekrete në aktivitetet e Sean "Diddy" Combs. Për vite me radhë, publiku besonte se lidhja e JLo me Diddy përfundoi me incidentin famëkeq të të shtënave në klubin e natës e cila bëri që reperi Shyne të plagosej. Megjithatë, pretendimet e reja sugjerojnë se përfshirja e Lopez në punët e Diddy-t mund të kishte zgjatur shumë pas ndarjes së tyre - dhe se Ben Affleck ishte plotësisht i vetëdijshëm për këtë.
Droni i lëshuar nga Libani godet rezidencën e Netanyahut në I"zraelin verior
Një dron i lëshuar nga Libani sot goditi rezidencën e kryeministrit izraelit Benjamin Netanyahu në Izraelin verior, tha zyra e tij, transmeton Anadolu. Zyra e kryeministrit në një deklaratë tha se droni i nisur nga Libani kishte në shënjestër shtëpinë private të Netanyahut në Cezare, në veri të Izraelit.
Ajo shtoi se kryeministri dhe familja e tij nuk ishin në shtëpi në momentin e sulmit. Më herët, ushtria izraelite tha se tre dronë u lëshuan nga Libani, dy prej të cilëve u kapën me sukses, ndërsa i treti u përplas me një ndërtesë në Cezare, në veri të Izraelit. Nuk raportohet për viktima.
Kthesa/ Trump fajëson Zelenskin për fillimin e luftës
Ish-presidenti i Shteteve të Bashkuara, Donald Trump, e ka fajësuar presidentin e Ukrainës, Volodymyr Zelensky, se ndihmoi në nisjen e luftës së vendit të tij kundër Rusisë. Kjo deklaratë e Trumpit është sugjerim shtesë se gjasat janë të mëdha që ai do ta ndryshojë rrënjësisht politikën amerikane karshi Rusisë, nëse rizgjidhet president më 5 nëntor.
Kandidati republikan për president e ka kritikuar shpesh Zelenskyn gjatë fushatës së tij zgjedhore, duke e quajtur vazhdimisht “shitësi më i zoti në Tokë”, pasi ka kërkuar dhe ka pranuar ndihmë ushtarake nga SHBA-ja në vlerë miliarda dollarë prej se nisi lufta më 2022.
Kryediplomati i BE-së: OKB-ja sulmohet në "të gjitha frontet" nga qeveria i"zraelite
Shefi i politikës së jashtme të Bashkimit Evropian (BE), Josep Borrell ka deklaruar se Kombet e Bashkuara (OKB) po "sulmohen në të gjitha frontet nga qeveria izraelite", raporton Anadolu. "Shpresoj se këshilli do të dënojë fuqishëm sulmet e forcave izraelite kundër UNIFIL-it", u tha gazetarëve Borrell në prag të takimit të Këshillit të BE-së në Bruksel.
Izraeli ka plagosur anëtarët e misionit të OKB-së në Liban (UNIFIL) në sulmet e tij, duke tërhequr kritika ndërkombëtare pasi sulmet e qëllimshme ndaj paqeruajtësve janë kundër ligjit ndërkombëtar.