Mbytja e jahtit luksoz, mbahen homazhe për manjatin miliarder Mike Lynch dhe vajzën Hannah pas gjetjes së trupave
Janë bërë homazhe për 18-vjeçaren Hannah Lynch, pasi zhytësit gjetën atë që besohet të jetë trupi i saj në rrënojat e një jahti luksoz që u mbyt në Sicili.Hannah ishte personi i fundit i pagjetur pas mbytjes së jahtit luksoz Bayesian, gjatë një stuhie të frikshme në fshatin italian të peshkimit Porticello, në lindje të Palermos, duke marrë gjithsej shtatë jetë.Miqtë e kanë konsideruar atë si një “shpirt të ngrohtë dhe të bukur”, ndërsa mësuesit e vlerësuan aftësinë e saj intelektuale. Trupi i babait të saj, sipërmarrësit të teknologjisë Mike Lynch, u gjet në fillim të kësaj jave. Gjithsej 15 persona mbijetuan, duke përfshirë një fëmijë një vjeçar dhe nëna e Hanës, Angela Bacares.
Turqia, në operacionin kundër DEASH-it arrestohen 65 të dyshuar
Në operacionin "Gürz-9" kundër organizatës terroriste DEASH në 17 provinca të Türkiyes janë arrestuar 65 të dyshuar, transmeton Anadolu.Në deklaratën në llogarinë e tij në rrjetet sociale, ministri i Punëve të Brendshme turke, Ali Yerlikaya tha se operacionet "Gürz-9" janë kryer në 17 provinca, përfshirë në Ankara dhe Istanbul.Ai theksoi se 65 të dyshuar u kapën në operacionet e kryera nga drejtoritë e policisë krahinore nën koordinimin e Drejtorisë së Përgjithshme të Drejtorisë së Inteligjencës së Sigurisë dhe Departamentit të Antiterrorizmit.
Save the Children i kërkon Britanisë të ndalojë shitjen e armëve Izraelit
"Save The Children UK" bëri sot një apel urgjent drejtuar qeverisë së Mbretërisë së Bashkuar, duke bërë thirrje për pezullimin e menjëhershëm të të gjitha shitjeve të armëve Izraelit, transmeton Anadolu.Organizata bamirëse përmendi "rrezikun e qartë" që këto armë mund të përdoren për të kryer shkelje serioze të ligjit ndërkombëtar humanitar.Thirrja vjen pas një incidenti tragjik në Gaza, ku gjashtë fëmijë, përfshirë një grup katërnjakësh dhjetëvjeçarë dhe nëna e tyre, u vranë në sulme ajrore izraelite.
Barack dhe Michelle Obama, mbështesin kandidaten Harris dhe sulmojnë ish presidentin Trump duke e akuzuar për racizëm
Ish-Presidenti Barack Obama dhe Michelle Obama u bënë thirrje amerikanëve të martën të mbështesin Nënpresidenten Kamala Harris, në fjalimet e tyre para Kuvendit Kombëtar Demokrat, që përmbanin mesazhe por edhe paralajmërime për një luftë të vështirë politike përpara. “Amerikë, shpresa po rikthehet”, deklaroi ish-Zonja e Parë. Më pas, ajo sulmoi ashpër republikanin Donald Trump, një ndryshim i thellë nga fjalimi i Kuvendit të vitit 2016, ku ajo u shpreh: "Kur ata tregohen të ulët, ne qëndrojmë lart".“Botëkuptimi i tij i kufizuar dhe i ngushtë për botën, e bëri atë të ndihej i kërcënuar nga ekzistenca e dy njerëzve punëtorë, me arsim të lartë dhe të suksesshëm, por që gjithashtu ishin afrikano-amerikanë”, tha Michelle Obama.
Rusia: Ukraina kreu sulm me 45 dronë ndaj territorit tonë, përfshirë rajonin e Moskës
Ministria ruse e Mbrojtjes njoftoi se Ukraina kreu 45 sulme me mjete ajrore pa pilot (dronë) në territorin e Rusisë, prej të cilave 11 ishin në rajonin e Moskës, transmeton Anadolu.Në një deklaratë nga ministria lidhur me sulmin thuhet se "Natën që kaluam, regjimi i Kievit tentoi të kryejë sulm terrorist me dronë ndaj objektivave në territorin e Federatës Ruse".Në deklaratë thuhet se sistemet ruse të mbrojtjes ajrore shkatërruan gjithsej 45 dronë të tipit avion, prej të cilave 11 u rrëzuan në rajonin e Moskës ndërsa 23 në rajonin Bryansk, 6 në rajonin Belgorod, 3 në rajonin Kaluga dhe 2 në rajonin e Kurskut.