Armenia njeh shtetin e Palestinës

Saturday, 22 June 2024 13:06

• Written by AA

Armenia ka njoftuar njohjen e shtetit të Palestinës, transmeton Anadolu."Duke riafirmuar angazhimin e saj ndaj ligjit ndërkombëtar dhe parimeve të barazisë, sovranitetit dhe bashkëjetesës paqësore të popujve, Republika e Armenisë njeh shtetin e Palestinës", tha Ministria e Punëve të Jashtme e Armenisë.

Ministria armene tha se më herët vendi ka mbështetur rezolutat e Asamblesë së Përgjithshme të OKB-së që bëjnë thirrje për një armëpushim të menjëhershëm në Rripin e Gazës, ku Izraeli që nga tetori i kaluar ka vrarë të paktën 37 mijë palestinezë.

Read more ...

Gjermania do të shqyrtojë përpunimin e kërkesave për azil jashtë BE-së

Saturday, 22 June 2024 08:48

• Written by AA

Kancelari gjerman, Olaf Scholz, ka njoftuar se vendi i tij do të marrë masa të mëtejshme për të frenuar migrimin e parregullt dhe do të shqyrtojë opsionet e mundshme për përpunimin e kërkesave për azil jashtë Bashkimit Evropian (BE), raporton Anadolu.

Duke folur në një konferencë për media në Berlin pas takimit me kryeministrat e shteteve federale të Gjermanisë, Scholz tha se do të shqyrtojnë raportet e ekspertëve në muajt e ardhshëm për të përcaktuar nëse është e mundur të përfundohen marrëveshjet e azilit me vendet e treta.

Read more ...

Forcat izraelite shtojnë sulmet në të gjithë Gazën

Friday, 21 June 2024 21:58

• Written by alJazeera

Ushtria izraelite goditi Rafahun në Rripin jugor të Gazës, duke intensifikuar sulmet e saj në veri dhe në qendër të territorit të rrethuar palestinez. Banorët thanë se forcat izraelite dukej se po përpiqeshin të përfundonin kapjen e Rafahut, qyteti në skajin jugor të enklavës ka qenë fokusi i një sulmi të ashpër që nga fillimi i majit. Tanket po hynin me forcë në pjesët perëndimore dhe veriore të qytetit, pasi kishin kapur tashmë lindjen, jugun dhe qendrën.Forcat izraelite qëlluan nga aeroplanët, tanket dhe anijet që ndodhen jashtë bregut, duke detyruar një valë të re zhvendosjesh nga qyteti, i cili kishte strehuar më shumë se një milion njerëz të zhvendosur, shumica e të cilëve janë detyruar të largohen përsëri.

Read more ...

Në sulmet e Izraelit në Gaza vriten 14 palestinezë, shumica fëmijë

Friday, 21 June 2024 19:13

• Written by AA

Shumë palestinezë, përfshirë fëmijë humbën jetën në sulmet ajrore që Izraeli kreu ndaj shtëpive në pjesë të ndryshme të Rripit të Gazës, transmeton Anadolu.

Sipas lajmit të agjencisë zyrtare palestineze WAFA, avionët izraelitë vendosën në objektiv një shtëpi në kampin e refugjatëve Nuseirat në pjesën qendrore të Rripit të Gazës. Në sulm humbën jetën 2 palestinezë ndërsa 12 të tjerë u plagosën.

Read more ...