GJNP: Pengimi i dërgimit të ndihmave në Gaza mund të jetë krim lufte

Thursday, 07 December 2023 09:18

• Written by AA

Kryeprokurori i Gjykatës Penale Ndërkombëtare (GJNP), Karim Khan, paralajmëroi se pengesa me qëllim e dërgimit të ndihmave për civilët në Gaza mund të vlerësohet si krim lufte.

Në një deklaratë nga llogaria e tij X, Khan theksoi duhet të lejohet menjëherë hyrja e ndihmës me përmasa të gjera në Gaza, duke iu referuar një letre që Sekretari i Përgjithshëm i Kombeve të Bashkuara (OKB), Antonio Guterres, i dërgoi Këshillit të Sigurimit të OKB-së (KS-OKB) që rikujton nenin 99 i cili përfshin përdorimin për herë të parë të kompetencës së jashtëzakonshme për të parandaluar një fatkeqësi humanitare në Gaza dhe për të ruajtur paqen botërore.

"Do të doja të ritheksoj me shprehjet më të qarta të mundshme se bllokimi i qëllimshëm i furnizimeve me ndihma për civilët (në Gaza) mund të përbëjë krim lufte sipas statutit të Romës të GJNP-së", tha Kryeprokurori Karim Khan

Guterres në letrën e dërguar KS-OKB-së, deklaroi se civilët në Gaza janë në rrezik të madh për shkak të sulmeve izraelite, se nuk ka vend të sigurt për të mbrojtur civilët dhe se sistemi shëndetësor ka rënë.

Burimi: AA

BE-ja dënon prishjen e shkollave nga kolonët izraelitë në territorin palestinez

Thursday, 07 December 2023 09:15

• Written by AA

Bashkimi Evropian (BE) dënoi prishjen e një shkolle nga kolonët izraelitë në territorin e pushtuar palestinez Zamuta, duke e cilësuar atë si shkelje të ligjit ndërkombëtar humanitar.

Shkolla, e ndërtuar me fondet e BE-së, ra viktimë e veprimeve të kolonëve izraelitë, duke shkaktuar një përgjigje të shpejtë dhe të ashpër nga Komisari i BE-së për Menaxhimin e Krizave dhe Ndihmën Humanitare Janez Lenarcic, i cili deklaroi në platformën sociale “X” se “Ky shkatërrim është i patolerueshëm dhe shkelje e së Drejtës Ndërkombëtare Humanitare”.

“Situata në Bregun Perëndimor është dramatike. Ndikimi i këtij përshkallëzimi të fundit në shërbimet kritike, si shëndetësia dhe arsimi, i shoqëruar nga situata e rëndë ekonomike, është katastrofike. Dhuna e kolonëve duhet të ndalet”, shtoi ai.

Izraeli rifilloi ofensivën e tij ushtarake në Rripin e Gazës të premten pas përfundimit të një pauze humanitare njëjavore me grupin palestinez Hamas.

Të paktën 16.248 palestinezë janë vrarë dhe më shumë se 43.616 të tjerë janë plagosur në sulmet intensive ajrore dhe tokësore në enklavë që nga 7 tetori pas një sulmi ndërkufitar nga Hamasi.

Sipas shifrave zyrtare, numri i të vdekurve izraelitë është 1.200.

Burimi: AA

Erdoğan: Izraeli do të përgjigjet për shtypjen ndaj palestinezëve që nga Lufta e Dytë Botërore

Wednesday, 06 December 2023 21:00

• Written by AA

Izraeli do të mbahet përgjegjës për gjithë shtypjen që ka shkaktuar në Palestinë që nga Lufta e Dytë Botërore, tha sot presidenti turk Recep Tayyip Erdoğan, duke shtuar se nuk do të ketë “shpëtim” nga kjo.

“Sa më shumë që administrata izraelite të përshkallëzojë shtypjen e saj, aq më i rëndë çmimi që do ta paguajë”, tha Erdoğan pas një takimi të kabinetit në kryeqytetin Ankara.

“Udhëheqësit izraelitë herët a vonë do të gjykohen në gjykatën e njerëzimit, do të vuajnë dënimin që meritojnë dhe do të zënë vendin e tyre në koshin e plehrave të historisë”, shtoi ai.

Erdoğan kritikoi gjithashtu ShBA-në dhe Evropën për “mbështetjen e tyre të pakufizuar” ndaj Izraelit, duke thënë se, po të mos kishin dhënë mbështetjen e tyre, “udhëheqësit e këtij shteti terrorist nuk do të mund të vepronin në mënyrë të pamatur”.

Izraeli rifilloi ofensivën e tij ushtarake në territorin palestinez të premten pas përfundimit të një pauze humanitare njëjavore me grupin palestinez Hamas.

Të paktën 16.248 palestinezë janë vrarë dhe më shumë se 43.616 të tjerë janë plagosur në sulmet intensive ajrore dhe tokësore në enklavë që nga 7 tetori pas një sulmi ndërkufitar nga Hamasi.

Sipas shifrave zyrtare, numri i të vdekurve izraelitë është 1.200.

Burimi: AA

Roger Waters i grupit Pink Floyd: Kur bëra thirrje për paqe, publiku izraelit ra në heshtje

Wednesday, 06 December 2023 20:47

• Written by Mexhlis

Ish-tekstshkruesi dhe vokalisti i grupit të muzikës rok “Pink Floyd”, Roger Waters, tregoi se si pasi bëri thirrje për paqe me Palestinën gjatë një koncerti në Izrael, publiku i tij papritmas ra në heshtje.

Duke folur këtë javë për transmetuesin kombëtar turk TRT World, ai tregoi se si në vitin 2016, ai anuloi një koncert pasi mësoi se vendi në parkun Hayarkon të Izraelit ishte ndërtuar mbi varret palestineze dhe më pas “e zhvendosi koncertin në një komunitet bujqësor ku kultivohej qiqra”.

“Pra, ne bëmë një koncert atje, erdhën 60.000 njerëz, mendoj se në atë kohë ishte koncerti më i madh që kishte qenë ndonjëherë në Izrael. Dhe ishte një sukses i madh”, tha ai.

Gjatë koncertit, vazhdoi ai, kishte vendosur të shprehte opinionin e tij.

“Kur u ngrita në këmbë dhe thashë se ju jeni brezi i të rinjve izraelitë që duhet të bëni paqe me fqinjët tuaj”, kujton ai, publiku kaloi shpejt nga entuziazmi në heshtje.

Waters përshkroi gjithashtu përshtypjen e tij nga vizita në Bregun Perëndimor të pushtuar një vit pas koncertit.

“Përbuzja dhe neveria absolute me të cilën unë me një pasaportë britanike në një automjet të UNRWA-së (agjencisë së OKB-së) u trajtova nga të gjitha rojet e reja kufitare izraelite. Dhe mbaj mend që mendova në atë kohë, nëse ata silleshin kështu me mua, si do të ishin për palestinezët”, tha Waters.

Tani, tha ai, “natyrisht, ne e dimë saktësisht se si janë ata për palestinezët, sepse, teksa po flasim, ata janë duke kryer gjenocid në Gaza”.

Waters, duke i përshkruar sulmet e Izraelit si “përtej imagjinatës”, tha: “Njerëzit në Gaza janë bombarduar ditë e natë nga F-16 për javë të tëra. Por ju ... as nuk mund të filloni të imagjinoni se si mund të jetë”.

Burimi: AA