Një incident me tension të lartë është regjistruar në Detin e Omanit, ku një helikopter i marinës iraniane është përballur me anijen luftarake amerikane USS Fitzgerald.
Sipas njoftimit zyrtar të ushtrisë iraniane, anija amerikane i ishte afruar ujërave që ndodhen nën mbikëqyrjen e Iranit, duke provokuar një reagim të menjëhershëm nga forcat detare iraniane.
Akuzat e ish-presidentit Donald Trump ndaj Barack Obamës për tradhti dhe kryengritje janë cilësuar si “të çuditshme” dhe “qesharake” nga zëdhënësi i ish-presidentit demokrat. Patrick Rodenbush theksoi se zyra e Obamës nuk i jep rëndësi dezinformatave që sipas tij vijnë nga Shtëpia e Bardhë, por këto akuza janë një përpjekje e dobët për shpërqendrim.
Më herët gjatë ditës, Trump deklaroi në Zyrën Ovale se do të “ndjekë penalisht personat” që sipas tij përpoqën të ndërhynin në zgjedhjet presidenciale të vitit 2016, duke akuzuar Rusinë për ndikim në rezultat. Hetime të shumta kanë konfirmuar përpjekjet e Rusisë për të ndikuar në zgjedhje në zgjedhje, por nuk ka prova për manipulim të votave.
Gana dhe Serbia kanë vendosur të bashkëpunojnë në fushën e arsimit dhe lëvizjes së fuqisë punëtore. Ministri i Punëve të Jashtme të Ganës Samuel Okudzeto Ablakwa deklaroi se ka arritur një marrëveshje me Serbinë për dërgimin e më shumë se 100 mijë punëtorë nga Gana në një vit.
Ai tha se Serbia ka dhënë 51 bursa për studentët ganezë dhe planifikon të japë edhe 30 të tjera këtë vit. Në këmbim, Gana ka ofruar bursa për studentët serbë të interesuar për studime afrikane.
Irani ka rënë dakord të rifillojë bisedimet me tre vendet kryesore evropiane, Francën, Gjermaninë dhe Mbretërinë e Bashkuar në përpjekje për të zhbllokuar ngërçin e zgjatur mbi programin e tij bërthamor. Ministri i Jashtëm iranian, Abbas Araqchi, deklaroi se është në kontakt me zyrtarët evropianë për të caktuar një datë për takimin.
“Po punojmë për të caktuar një datë për takimin me evropianët”, tha ai për mediat lokale.
Analisti politik izraelit Gideon Levy ka akuzuar qeverinë izraelite se po planifikon spastrimin etnik të popullsisë së Gazës. Në një opinion të botuar në gazetën Haaretz, Levy shkruan: “Dikush e konceptoi këtë plan, u diskutuan të mirat dhe të këqijat, u propozuan alternativa, u shqyrtuan opsione të spastrimit total apo me faza – dhe e gjitha kjo u bë në salla të klimatizuara, me procesverbale dhe vendime të qarta.”
“Për herë të parë që nga fillimi i kësaj lufte hakmarrëse në Gaza, është e qartë se Izraeli ka një plan – dhe është një plan i thellë dhe kriminal,” thekson ai.
