Rama ja kalon edhe Enverit, tashmë kryeministri kontrollon gjithçka/Rama edhe në krye të Shkencës
Edhe shkencën në Shqipëri do ta drejtojë kryeministri. Kreu i qeverisë do të jetë kryetari i Këshillit Kombëtar të Shkencës dhe kërkimit shkencor. Ndërsa 7 ministra të tij, disa përfaqësues të agjencive në varësi të ministrive, kryetari i Akademisë së Shkencave dhe vetëm 4 përfaqësues nga Universitetet, do të jenë anëtarë të këshillit. Ky organ i ri krijohet me ndryshimin e ligjit për shkencën dhe kërkimin shkencor, i cili ka nisur diskutimet në komisionet parlamentare, shkruan A2.
Edhe pse në universitete nuk bëhet shkencë dhe as kërkim i mirëfilltë shkencor, ligji për këtë fushë të rëndësishme ndryshon për të disatën herë. Gjatë diskutimit të projektligjit në komisionin e edukimit, opozita zgjodhi të braktisë seancën për një nga ligjet më të rëndësishme në vend.
