Forcat izraelite kanë arrestuar edhe 55 palestinezë në Bregun Perëndimor nën pushtim dhe se është rritur në 5.930 numri i palestinezëve që janë arrestuar në Bregun Perëndimor dhe Kudsin Lindor që nga 7 tetori e deri më tani, transmeton Anadolu.
Deputeti i Bundestagut të Gjermanisë, Josip Juratoviç, mendon se Bashkimi Evropian duhet t’i rishikojë negociatat me Serbinë për anëtarësim, pas parregullsive që u raportuan në zgjedhjet e fundit. Juratoviç thotë se nuk mund ta tolerojnë më qasjen autokratike gjithnjë e më të fortë të presidentit serb, Aleksandër Vuçiç.
SHBA-ja tha se sulmoi më shumë se 60 objektiva në 16 lokacione Houthi, Pentagoni deklaroi se sistemet e radarëve, vendet e magazinimit dhe lëshimit të dronëve dhe raketave, plus qendrat e komandës Houthi u goditën të gjitha. Sulmet u raportuan në kryeqytetin e Jemenit, Sanaa - i cili kontrollohet nga rebelët - si dhe në portin Houthi të Detit të Kuq të Hodeidah, Dhamar dhe bastionin veriperëndimor të grupit, Saada.
Prokuroria spanjolle ka kërkuar dënime me burg nga 4 deri në 9 vite për 11 të pandehur, mes tyre spanjollë, portugezë dhe shqiptarë, të cilët dyshohen për trafik droge. Sipas hetimeve të arrestuarit po transportonin kanabis dhe heroinë me qëllim shpërndarjen e tyre në provincën e Pontevedras. Grupi kriminal zotëronte disa plantacione kanabisi, në bashkëpunim me një person tjetër që besohet se ka ndërruar jetë.
Me rrugët e qytetit kryesisht të braktisura, përveç një dislokimi masiv ushtarak, Ekuadori po e gjen veten në mesin e një "gjendje lufte" pasi kartelet e drogës ndërmorën një fushatë brutale rrëmbimesh dhe sulmesh si kundërpërgjigje të veprimeve qeveritare. Qindra ushtarë patrulluan kryeqytetin, Kuito, ku banorët janë të frikësuar për shkak të një rritje të dhunës e cila ka shkaktuar gjithashtu shqetësim jo vetëm brenda vendit.
