Arabia Saudite dënoi sulmin terrorist të së mërkurës në Iran gjatë një ceremonie për të përkujtuar gjeneralin e lartë iranian Qassem Soleimani i cili u vra katër vjet më parë nga SHBA-ja.
Ministria e Jashtme tha se Riadi kundërshton dhe dënon sulmin terrorist që synoi civilët në Kerman.
Besimi i popullit gjerman në qeverinë dhe institucionet politike ka vazhduar të bjerë, pasi kancelari Olaf Scholz ka humbur 13 për qind të popullaritetit të tij në krahasim me vitin 2022, ndërsa Gjykata Kushtetuese dhe ushtria janë më të besueshmet në sytë e publikut, sipas një sondazhi të ri të publikuar sot.
Besimi i publikut në institucionet politike është ulur ndjeshëm në vitin 2023 krahasuar me vitin 2022, sipas sondazhit të kryer nga kompania Forsa për institucionet mediatike RTL, Stern dhe NTV.
Demonstrues u mblodhën sot para shtëpisë së Sekretarit të Shtetit Antony Blinken në Virxhinia, duke protestuar kundër politikës së SHBA-së për Gazën.
Grupi i aktivistëve pro Palestinës brohoriti “turp për ty”, ndërsa derdhën gjak të rremë në rrugë dhe mbi makinën e Blinkenit teksa ai u largua nga shtëpia e tij në McLean për punë.
Gjysmëhëna e Kuqe Palestineze njoftoi se ushtria izraelite goditi qendrën e Rripit të Gazës së bllokuar në qytetin Khan Younis dhe se 7 persona u plagosën nga sulmi.
Në deklaratën me shkrim të Gjysmëhënës së Kuqe Palestineze thuhet se ushtria izraelite ka shënjestruar katin e 5-të të selisë së tyre në Khan Younis.
Zyra e mediave e qeverisë palestineze në Gaza tha se ushtria izraelite kreu gjashtë masakra brenda tre ditëve duke i shtyrë me forcë njerëzit në zonat që pretendohej se ishin "të sigurta" në qytetin Rafah në pjesën jugore të Rripit të Gazës, dhe më pas i bombarduan ato zona duke rezultuar në vdekjen e 31 personave.
"Lufta gjenocidale kundër civilëve, fëmijëve dhe grave në Rripin e Gazës do të mbetet një njollë për njerëzimin dhe gjithë botën që dëshmoi këto krime dhe mbeti joaktive për t'i dhënë fund kësaj lufte të pamoralshme të gjenocidit", thuhet në deklaratën e qeverisë.
