Dy ditë marshim! Studentet serbë mbërrijnë në Beograd, do bllokojnë tre ura mbi Danub
Saturday, 01 February 2025 18:14
Pas dy ditësh marshimi, studentet e nisur nga Beogradi mbërritën në Novi Sad për të shënuar me bllokimin e tre urave mbi lumin Danub tre mujorin e vdekjes së 15 personave nga shembja e strehës prej betoni në një stacion treni në këtë qytet. Një grup tjetër studentësh, që ishin nisur nga Beogradi me biçikleta, mbërritën më herët në Novi Sad dhe u pritën nga çiklistë të zonës përpara stacionit të trenit.
Studentët e nisën marshimin e tyre 80-kilometërsh të enjten nga Fakulteti i Arteve Dramatike të Beogradit. Rruga e marshimit u sigurua nga roje të vetë studentëve si edhe policia, ndërsa kolona shoqërohej nga një ambulancë dhe një cisternë uji.
