Presidenti ukrainas, Volodymyr Zelenskyy, tha se Kievi as nuk do të marrë pjesë në bisedimet Rusi-SHBA të planifikuara për nesër në Arabinë Saudite, e as nuk do të njohë ndonjë rezultat në lidhje me Ukrainën.
Duke folur me gazetarët ukrainas në Abu Dhabi në një konferencë për media përmes video-lidhjes, Zelenskyy deklaroi se Kievi nuk ishte informuar për takimin.
Izraeli mori një dërgesë me bomba ajrore të rënda MK-84 të prodhuara nga SHBA, secila me peshë rreth 907 kilogramë, pasi Presidenti i SHBA Donald Trump hoqi një ndalim për furnizimin e tyre, tha Ministria izraelite e Mbrojtjes në një deklaratë.
“Një anije që mbante municione të rënda MK-84 u ankorua dhe u shkarkua në portin Ashdod. Municionet u ngarkuan në dhjetëra kamionë dhe u transportuan në bazat e Forcave Ajrore izraelite,” thuhet në deklaratë.
Presidenti i Ukrainës, Volodymyr Zelenskyy deklaroi se deri më sot në luftën Rusi-Ukrainë kanë humbur jetën mbi 46 mijë ushtarë ukrainas dhe se territoret e pushtuara nuk do t'i pranojnë kurrë si territor rus.
Lidhur me luftën Rusi-Ukrainë, në një intervistë për NBC News me qendër në SHBA, Zelenskyy tha se "Kanë humbur jetën më shumë se 46 mijë ushtarë ukrainas ndërsa janë plagosur rreth 380 mijë ushtarë ukrainas".
Sulmi la të paktën 100,000 njerëz pa nxehtësi pasi temperaturat ranë nën zero, sipas zyrtarëve ukrainas. “Goditja nuk kishte të bënte me luftimet dhe situatën në front, por tregon edhe një herë se rusët po luftojnë kundër popullit tonë dhe kundër jetës në Ukrainë. Kjo nuk është diçka që bëjnë ata që me të vërtetë duan të rivendoset paqja dhe që po përgatiten për bisedime.”, tha presidenti Volodymyr Zelensky në aplikacionin Telegram.
Më herët, kryeministri Denis Shmyhal tha se sulmi ndaj termocentralit është kryer qëllimisht për të lënë botën pa ngrohje në temperatura nën zero dhe për të shkaktuar një katastrofë humanitare.
Presidenti egjiptian, Abdel Fattah al-Sisi, ka konfirmuar se vendi i tij po përgatit një “plan gjithëpërfshirës” për të rindërtuar Rripin e Gazës pa zhvendosur palestinezët. Konfirmimi erdhi gjatë takimit të presidentit al-Sisi në Kajro me kreun e Kongresit Botëror Hebre, Ronald Lauder.
Presidenca egjiptiane njoftoi se bisedimet u fokusuan në mënyrat për të rivendosur stabilitetin rajonal dhe përpjekjet e Egjiptit për të zbatuar një marrëveshje armëpushimi në Gaza, duke përfshirë shkëmbimin e të burgosurve, si dhe lehtësimin e hyrjes së ndihmës humanitare në enklavë.
