Shtëpia e Bardhë: Bota është shumë afër paqes në Ukrainë
Shtëpia e Bardhë beson se presidenti amerikan Donald Trump është i vendosur për t’i dhënë fund luftës së Rusisë kundër Ukrainës, dhe bota tani është “në vijën e 10-të të oborrit” të paqes.
“Ne jemi në vijën e 10-të të oborrit të paqes dhe nuk kemi qenë kurrë më afër një marrëveshjeje paqeje sesa jemi tani në këtë moment. Dhe presidenti, siç e dini, është i vendosur për ta bërë këtë “, tha Karoline Leavitt, Sekretari e Shtypit e Shtëpisë së Bardhë, transmeton Telegrafi.
Zëdhënësja e Shtëpisë së Bardhë, është pyetur në lidhje me mundësinë e vendosjes së sanksioneve të mëtejshme ndaj Rusisë, ku theksoi se Trump “e ka lëshuar këtë ide dhe sigurisht është i gatshëm ta bëjë nëse është e nevojshme”.
Shpërthim tornadosh në SHBA, viktima dhe shtëpi të rrafshuara
Të paktën 34 njerëz kanë humbur jetën në SHBA, duke përfshirë 12 vetëm në Misuri, pasi tornadot vdekjeprurëse shpërthyen disa shtete juglindore, duke shkatërruar makina dhe duke rrafshuar shtëpitë.
Në Kansas, të paktën tetë persona humbën jetën pasi më shumë se 55 automjete u përfshinë në një aksident për shkak të një stuhie pluhuri, përcjell A2 CNN.
Më shumë se 250,000 familje ishin pa energji në shtatë shtete, duke përfshirë Michigan, Missouri dhe Illinois, gjatë natës deri të dielën, sipas gjurmuesit PoëerOutage.
Moti i ashpër pritet për rajonin, me paralajmërime për tornado të lëshuara në të gjithë Luizianën lindore, Xhorxhan perëndimore, Tenesin qendror dhe Floridan perëndimore Panhandle.
Zelensky prezanton raketën “Long Neptune”: Mund të godasim deri në Moskë
Presidenti ukrainas Volodymyr Zelensky ka njoftuar se ushtria e tij ka testuar me sukses raketën e saj të re të prodhimit vendas, “Long Neptune”, me një rreze veprimi prej 621 milje (1 000 kilometra). Kjo sipas tij do të thotë se raketa e re me rreze të gjatë është e aftë të godasë drejtpërdrejt Moskën.
“Long Neptune” është testuar dhe përdorur me sukses në luftime” – citohet të ketë thënë Zelensky. “Falë ekspertëve tanë ukrainas, prodhuesve dhe ushtrisë ne vazhdojmë të punojmë për të garantuar sigurinë e Ukrainës” – shtoi ai. Sipas mediave vendase, sulmi i së premtes në rafinerinë ruse të naftës “Tuapse” mund të jetë kryer nga kjo raketë e cila është një version i përmirësuar i asaj që fundosi kryqëzorin e Flotës Ruse të Detit të Zi “Moskva” në prill 2022.
“Vrasja e rinisë është vrasje e së ardhmes”, Protestë në Koçan pas tragjedisë me 59 viktima
Qindra qytetarë u mblodhën sot në parkun e qytetit të Koçanit për të protestuar pas ngjarjes tragjike që ka tronditur thellë komunitetin.
Me pankarta ku shkruhej “Dhimbje e pashëruar”, “Nuk vdesim nga fatkeqësitë, vdesim nga korrupsioni” dhe “Vrasja e rinisë është vrasja e ardhmërisë”, protestuesit shprehën indinjatën e tyre dhe kërkuan dorëheqjen kolektive të të gjithë zyrtarëve përgjegjës. Protesta pasqyroi zemërimin e qytetarëve, të cilët e konsiderojnë këtë tragjedi si rezultat të dështimeve institucionale dhe mungesës së përgjegjësisë.
Maqedonia e Veriut mban zi për tragjedinë në Koçan ku vdiqën 59 të rinj
Të paktën 59 persona kanë vdekur në orët e hershme të mëngjesit të së shtunës, në qytetin lindor të Maqedonisë së Veriut, Koçan, si pasojë e shpërthimit të zjarrit gjatë një koncerti me mbi 500 pjesëmarrës në një klub nate. Deri më tani janë identifikuar 35 viktima – prej tyre 31 nga Koçani dhe katër nga Shtipi.
Mbi 155 persona janë shtruar në spitale – kryesisht në klinikat e Shkupit.
Qeveria ka shpallur shtatë ditë zie.
Kryeministri maqedonas, Hristijan Mickoski, ka thënë se objekti ku ka ndodhur tragjedia kishte licencë të falsifikuar, e cila ishte lëshuar në mars të vitit të kaluar.
Ai ka paralajmëruar përgjegjësi penale për të gjithë të përfshirët.
Ministri i Brendshëm maqedonas, Pançe Toshkovski ka thënë se sipas informacioneve të marra, zjarri ka shpërthyer si pasojë e mjeteve piroteknike që janë përdorur për efekt ndriçimi në koncertin e bendit ADN.
Ministria e Brendshme, në koordinim me Zyrën e Prokurorit Publik ka thënë se janë 20 të dyshuar, 15 prej të cilëve janë në mbajtje policore.
Në mesin e të vdekurve është edhe një zyrtar policor, i cili ishte pjesë e operacionit për të kryer kontrolle në klube nate dhe biznese hotelerie në disa lokacione të ndryshme në Maqedoninë e Veriut.