Liga arabe refuzon çdo përpjekje të I"zraelit për të dëmtuar Irakun, paralajmëron për l.uftë rajonale

Tuesday, 26 November 2024 09:40

• Written by AA

Liga Arabe ka hedhur poshtë njëzëri çdo përpjekje izraelite për të dëmtuar Irakun, duke paralajmëruar për një "luftë rajonale", transmeton Anadolu. Një rezolutë e miratuar nga një takim urgjent të organit pan-arab të mbajtur dje dënoi përpjekjen e Izraelit "për të zgjeruar praktikat e tij agresive në rajon, duke përfshirë Irakun". Rezoluta paralajmëroi për "rrezikun e një përshkallëzimi të përgjithshëm izraelit që rrezikon të ndezë një luftë të gjerë rajonale që kërcënon sigurinë dhe stabilitetin në rajon". "Rezoluta u miratua unanimisht me mbështetjen e të gjitha delegacioneve arabe për të treguar mbështetje për Irakun", tha në një deklaratë të hënën ambasadori i Katarit në Egjipt, Tariq Al-Ansari.

Read more ...

Kandidati prorus prin në zgjedhjet presidenciale në Rumani

Monday, 25 November 2024 17:50

• Written by REL

Kandidati prorus, Cailn Georgescu, po prin në zgjedhjet presidenciale të Rumanisë, sipas rezultateve paraprake, duke bërë që rezultati i garës të ndryshojë dhe duke hapur mundësinë për një përballje në balotazh me Elena Lasconin. Me 99.5 për qind të votave të numëruara, Georgescu – i cili është kritikuar për shkak të qëndrimeve kundër NATO-s – po udhëheq me 22.94 për qind të votave. 

Elena Lasconi nga Bashkimi për Shpëtimin e Rumanisë e qendrës së djathtë ka dalë e dyta me 16.9 për qind, ndërkaq kandidati properëndimor, kryeministri socialdemokrat, Marcel Ciolacu është i treti. Gara është e ngushtë, teksa diferenca e votave mes Lasconit dhe Ciolacut është 434.

Read more ...

Kreu i NATO-s, Rutte: Turqia ka një industri mbresëlënëse mbrojtëse

Monday, 25 November 2024 13:18

• Written by AA

Sekretari i Përgjithshëm i NATO-s, Mark Rutte, tha se mezi pret të takohet me presidentin turk Recep Tayyip Erdoğan për të adresuar sfidat në rritje për sigurinë kolektive, duke përfshirë kërcënimin e terrorizmit, luftën në Ukrainë dhe krizën në Lindjen e Mesme. Rutte vlerësoi për Anadolu vizitën e tij të parë në Ankara pas marrjes së detyrës.

"Mezi pres të takohem me presidentin Erdoğan për të adresuar sfidat në rritje për sigurinë tonë kolektive, duke përfshirë kërcënimin e terrorizmit, luftën në Ukrainë dhe krizën në Lindjen e Mesme”, tha Sekretari i Përgjithshëm i NATO-s, Rutte, duke shtuar:

Read more ...

Irani përdor sëmundjet mendore si mjet sh.typjeje

Monday, 25 November 2024 12:07

• Written by REL

Shtetet autokratike i përdorin prej kohësh akuzat për sëmundje mendore, për t’i diskredituar dhe burgosur kritikët e tyre. Autoritetet në Iran, gjithnjë e më shumë, janë duke i konsideruar si të paqëndrueshme psikikisht ato gra që shkelin Ligjin për veshjen e hixhabit - shtyllë kryesore e sistemit islamik.

Kjo masë përkon me protesta të papara kundër institucioneve klerike të Iranit dhe me thirrjet në rritje për liri më të mëdha sociale dhe politike. Ekspertët thonë se autoritetet iraniane po i keqpërdorin diagnozat psikiatrike për t’i ndëshkuar, kontrolluar ose shtypur individët.

Read more ...