Presidenti amerikan Donald Trump ka njoftuar dërgimin e 5,000 trupave shtesë amerikane në Poloni, duke e lidhur vendimin me zgjedhjen e presidentit të djathtë polak Karol Nawrocki, të cilin tha se e kishte mbështetur personalisht.
Uashingtoni shprehu një optimizëm të kujdesshëm të enjten se përpjekjet diplomatike do të çonin në përparim dhe në një marrëveshje për t’i dhënë fund luftës me Iranin, duke thënë se mezi priste vizitën e një ndërmjetësi pakistanez në Teheran.
Zëvendës Ndihmës Sekretari i Përgjithshëm i NATO-s për Partneritete, Kevin Hamilton deklaroi nga Prishtina se aleanca nuk do të thellojë aspekte të caktuara të bashkëpunimit me Serbinë derisa të sigurohet përgjegjëia për sulmet e vitit 2023 në veri të Kosovës, në Banjskë dhe Zveçan. Hamilton u tha gazetarëve në Prishtina se ai ua përcolli të njëjtin mesazh zyrtarëve në Beograd gjatë vizitës së tij të fundit në Serbi.
Një numër gjithnjë e në rritje i anëtarëve të BE-së po bëjnë thirrje që Ministri Izraelit i Sigurisë Kombëtare, Itamar Ben-Gvir, të sanksionohet për trajtimin e tij ndaj aktivistëve të ndaluar ndërsa përpiqeshin të thyenin bllokadën detare të Gazës nga vendi.
Ministri izraelit i ekstremit të djathtë u kritikua të mërkurën pasi postoi një video në X ku shfaqej duke u tallur me aktivistët e flotiljes, ndërsa ata po detyroheshin të gjunjëzoheshin me duart e lidhura pas shpine. “Mirë se vini në Izrael”, tha Ben-Gvir në pamjet filmike, duke shkaktuar dënim në disa kryeqytete evropiane. “Ne jemi pronarët e tokave”.
Pamjet ku ministri izraelit i Sigurisë Kombëtare, Itamar Ben-Gvir, shfaqet duke ironizuar aktivistët e flotiljes humanitare Global Sumud, të ndaluar nga Izraeli në ujërat ndërkombëtare, kanë shkaktuar një valë të fortë reagimesh diplomatike në Evropë.
