Debati i parë mes kandidates demokrate për presidente Kamala Harris dhe rivalit të saj republikan Donald Trump u shoqërua me polemika të ashpra mbi ekonominë, emigracionin, abortin, kujdesin shëndetësor dhe politikën e jashtme. Një sondazh në kohë reale i CNN me votuesit që shikonin debatin vlerësoi se Harris performoi më mirë dhe tregjet e basteve thanë të njëjtën gjë . Votuesit e regjistruar në CNN që ndoqën debatin e së martës në masën 63% vlerësuan për një performancë më të mirë Harris dhe 37% votuan për Trump.
GJNP kërkon përshpejtimin e procesit për lëshimin e urdhër-arrestit për Netanyahun
Thursday, 12 September 2024 12:26
Kryeprokurori i Gjykatës Ndërkombëtare Penale (GJNP), Karim Khan kërkoi që të përshpejtohet procesi i lëshimit të një urdhër-arresti për kryeministrin izraelit Benjamin Netanyahu dhe ministrin e Mbrojtjes, Yoav Gallant, transmeton Anadolu.
Sipas lajmit të televizionit izraelit "Chanel12", kryeprokurori i GJNP-së, Khan i dërgoi kërkesë Dhomës së Inspektimit Paraprak Nr. 1 të GJNP-së në Hagë të Holandës.Përveç Netanyahut dhe Gallantit, Khan kërkoi përshpejtimin e procesit të lëshimit të urdhër-arrestit edhe për kreun e Byrosë Politike të Hamasit, Yahya Sinwar dhe liderin e Brigadave Izzeddin Kassam, krahut ushtarak të Hamasit, Mohammed Deif, ndërsa kërkoi që nga kjo listë të hiqet Ismail Haniyeh i cili u vra në Teheran, kryeqyteti i Iranit.