Rusia dëshiron të ndjekë penalisht të dërguarit e RAI-t që hynë në Kursk
Rusia ka thirrur ambasadoren e Italisë në Moskë, Cecilia Piccioni, për të protestuar kundër hyrjes "ilegale" të gazetarëve italianë të RAI në rajonin e Kurskut për të mbuluar mediatikisht sulmin nga forcat ukrainase. Kjo u raportua nga Tass në fund të një dite që filloi me lajmin për qëllimin e "Ministrisë së Brendshme ruse për të filluar procedimin penal kundër gazetarëve italianë që raportonin nga rajoni i Kurskut. E pati raportuar fillimisht Bazza një kanal lajmesh ruse në telegram, në lidhje me raportin e korrespondentëve të Rai-t, Stefania Battistini dhe Simone Traini, të cilët realizuan një reportazh për Tg1 nga qyteti i Sudzha në rajonin Kursk . Reportazhi është i disponueshëm qoftë në profilet sociale të dy gazetarëve qoftë në atë të Tg1. Rai dhe në veçanti ekipet editoriale gazetareske planifikojnë aktivitetet e tyre në një mënyrë krejtësisht autonome dhe të pavarur. Ambasadorja Piccioni, e thirrur nga autoritetet e Moskës për këtë çështje, do të kishte thënë - sipas asaj që mësuam nga Farnesina se rrjeti diplomatik ka për detyrë të ndjekë dhe të mbrojë qytetarët italianë në çdo situatë.
