“E duam Serbinë, e kemi vend fqinj por nuk mund të heqim dot dorë nga njohja e Kosovës”. Kështu është shprehur kryeministri i Malit të Zi, Milojko Spajiç në një intervistë për median gjermane “Berliner Morgenpost”.
Spajiç ka thënë se vendi i tij synon të ketë raporte të mira me Serbinë, por jo duke hequr dorë nga objektivat e veta strategjike.
Prej ditës së sotme ka hyrë në fuqi zbatimi i marrëveshjes për lëvizjen me procedurë të përshpejtuar në pikën e kalimit kufitar të Morinës. Për 9 muaj, nsi nga1 maj deri më 30 janar të vitit të ardhshëm, qytetarët e Kosovës dhe të Shqipërisë do ta kalojnë në kufi pa paraqitur dokumentet e identifikimit. Më herët kjo levizja pa procedure ishte vetëm gjatë 3 muajve të verës. Qytetarët e Kosovës që kane zgjedhur të udhetojnë sot thonë se zbatimi i marreveshjes do shmangë trafikun në Morinë. Vetëm në orët e para të ditës së sotme nga Kosova kanë hyrë në Shqipëri rreth 5 mijë shtetas të Kosovës dhe 3 mijë mjete të vogla e dhjetra autobuzë.
Në Prishtinë është hapur ekspozita e parë rajonale e organizuar bashkërisht nga gjashtë vende të Ballkanit Perëndimor për nder të Ditës Botërore të Lirisë së Shtypit, e cila shënohet më 3 maj, raporton Anadolu.
Ekspozita me karikatura për Lirinë e Medias e cila u hap në Lapidariumin e Muzeut Kombëtar, u mundësua nga Ambasada e Holandës në Kosovë në bashkëpunim me Asociacionin e Gazetarëve të Kosovës (AGK).
