Ashtu siç tha për Klankosova.tv, Fetiu u shpreh se goditja ka qenë vetëm për ta orientuar pasi ishte shumë e mërzitur pas humbjes. “E jap jetën për një thua të saj”, tha trajneri kosovar i cili më pas përqafoi dhe puthi të bijën e tij.
Presidenti serb, Aleksandar Vuçiq, tha se pret të ketë një partneritet më të fortë me SHBA-në nën udhëheqjen e presidentit të zgjedhur Donald Trump, transmeton Anadolu. Komentet e Vuçiqit erdhën pas një bisede telefonike që ai dje e zhvilloi me Trump-in.
"I jam mirënjohës Trump-it që di shumë gjëra për Serbinë, madje foli edhe për sukseset sportive të vendit tonë. Shfrytëzova rastin, me dëshirën për të zhvilluar më tej marrëdhëniet tona në të gjitha sferat e shoqërisë dhe shpreha shpresën që ai do të vizitojë Serbinë, sepse Serbia ishte një vend ku mbështetja për zgjedhjen e presidentit Trump ishte më e madhja në të gjithë Evropën", tha ai në rrjetet sociale.
Ura e Mostarit, e cila u shkatërrua nga sulmi i njësive të artilerisë kroate më 9 nëntor 1993 gjatë luftës në Bosnjë dhe Hercegovinë dhe e cila u rindërtua në formën e saj origjinale pas luftës, është një nga trashëgimitë më të rëndësishme historike dhe kulturore të Ballkanit, raporton Anadolu. Ura historike, e cila 31 vjet më parë, më 9 nëntor, u zhyt nën ujërat e Lumit Neretva si pasojë e zjarrit intensiv të nisur nga njësitë e artilerisë kroate më 8 nëntor 1993, vazhdon të bashkojë kulturat dhe qytetërimet.
Me mijëra serbë kanë zhvilluar një protestë madhështore këtë të enjte në Novi Sad të Serbisë pas ngjarjes së rëndë të ndodhur javën e kaluar kur humbën jetën 14 persona pasi u shemb tarraca e stacionit të trenit.
Protesta nisi e qetë, por më pas situata ndryshoi shpejtë dhe protestuesit iu drejtuan godinës së bashkisë, ku qëlluan me gurë duke i thyer xhamat. Mediat serbe shkruajnë se protestuesit kërkojnë dorëheqjen e deputetëve për ngjarjen e rëndë.
