Këshilli Gjyqësor i Kosovës (KGJK) ka refuzuar kërkesat për tërheqjen e dorëheqjeve dhe rikthimin në sistemin gjyqësor të gjyqtarëve dhe stafit administrativ serb në veri të Kosovës, të cilët kishin dhënë dorëheqje në vitin 2022, raporton Anadolu. Anëtarët e KGJK-së e kanë marrë këtë vendim me 9 vota për, një kundër dhe një abstenim.
Gjeneralmajori italian Roberto Vergori do të marrë këtë vjeshtë komandën e KFOR-it në Kosovë, duke zëvendësuar komandantin aktual turk, Özkan Ulutaş. Procesi i dorëzim-pranimit ka nisur tashmë në selinë e KFOR-it në “Camp Film City” në Prishtinë, ku Vergori po merr pjesë në programin përgatitor “Key Leader Training”. Ndërkohë, gjeneral brigade Onur Çakıcı nga Turqia është caktuar zëvendëskomandanti i ardhshëm i misionit.
Komandanti i Komandës së Forcave të Përbashkëta të NATO-s në Napoli, admirali amerikan George Wikoff, deklaroi se KFOR-i nuk ka mandat të vendosë për hapjen e plotë të urës kryesore mbi Ibër. Sipas tij, pas përfundimit të pranisë së përhershme të KFOR-it në urë, çështja do t'u takojë institucioneve të Kosovës dhe Bashkimit Evropian.
Emrat për presidentin e ardhshëm të Kosovës kanë nisur të qarkullojnë në skenën politike, por pavarësisht diskutimeve për profilin që duhet të ketë kreu i ri i shtetit, marrëveshja mes Lëvizjes Vetëvendosje dhe Lidhjes Demokratike të Kosovës ende mungon.
Gazetari kroat Domagoj Margetiq ka publikuar dokumente që, sipas tij, i përkasin arkivit të brendshëm të ish-Shërbimit të Sigurimit Shtetëror të Bosnjë-Hercegovinës dhe lidhen me aktivitetet e Aleksandar Vuçiçit gjatë rrethimit të Sarajevës.
