Lidhje

site logo site logo
Paraardhëse Tjetra
Lajm i Fundit
Editorial Analiza Pasazhe

Home Aktualitet Bota


Përçahet alenaca SHBA-Izrael! Telefonatë e tensionuar Vance-Netanyahu: Mashtrove Trumpin!

Friday, 27 March 2026 20:03

 

Një bisedë telefonike e tensionuar është zhvilluar të hënën mes zëvendëspresidentit amerikan JD Vance dhe kryeministrit izraelit Benjamin Netanyahu, raportoi Axios. Sipas raportimit, Vance ka kritikuar ashpër Netanyahun, duke e akuzuar se i ka “shitur” presidentit Donald Trump idenë e një lufte “të lehtë” kundër Iranit.

 

Sipas burimeve, Vance ka vënë në dyshim mënyrën se si Netanyahu e kishte paraqitur si shumë të mundshme një ndryshim regjimi në Iran.

 

“Para luftës, Bibi ia kishte prezantuar presidentit si diçka të lehtë, duke e bërë ndryshimin e regjimit të dukej shumë më i arritshëm sesa ishte realisht. Zëvendëspresidenti kishte një pasqyrë të qartë për disa nga këto deklarata”, citohet të ketë thënë një zyrtar amerikan për Axios, duke përdorur nofkën e Netanyahut.

 

Pas telefonatës, një tjetër zyrtar amerikan deklaroi se Izraeli po minon rolin e Vance, i cili ka marrë një rol kyç në përpjekjet për arritjen e një armëpushimi me Iranin. Vance, i njohur për qëndrimet e tij kundër luftërave të zgjatura jashtë vendit, është i përfshirë në negociata së bashku me negociatorët amerikanë Steve Witkoff dhe Jared Kushner.

 

I njëjti burim akuzoi Izraelin se qëndron pas raportimeve sipas të cilave Irani kërkon të negociojë drejtpërdrejt me Vance, duke e konsideruar atë më fleksibël për arritjen e një marrëveshjeje për përfundimin e konfliktit.

 

“Është një operacion izraelit kundër JD-së”, tha zyrtari amerikan për Axios, ndërsa mediumi thekson se nuk ka prova konkrete për një pretendim të tillë.

 

Në të njëjtin raportim citohet edhe një zyrtar tjetër amerikan, sipas të cilit Vance shihet si figura më e mundshme për të arritur një marrëveshje me Iranin.

 

“Nëse iranianët nuk arrijnë të bëjnë marrëveshje me Vance, atëherë nuk do të arrijnë me askënd. Ai është opsioni më i mirë që kanë”, deklaroi një zyrtar i lartë amerikan për Axios.


Shefi i ushtrisë izraelite paralajmëron kolaps të mundshëm për shkak të mungesës së personelit

Friday, 27 March 2026 17:37

Shefi i ushtrisë së Izraelit, Eyal Zamir paralajmëroi se ushtria mund të përballet me kolaps të brendshëm nëse qeveria nuk arrin të adresojë mungesën në rritje të fuqisë punëtore.

 

Duke folur gjatë një takimi të kabinetit të sigurisë të mërkurën, shefi i Shtabit, gjeneral lejtnant Zamir tha se "Po ngre 10 flamuj të kuq përpara se IDF të shembet në vetvete", sipas "The Jerusalem Post".

Read more ...


Skandal në Kishë: Peshkopi amerikan kapet në bordello, arrestohet për miliona dollarë të shpërdoruara!

Friday, 27 March 2026 11:19

 

Një peshkop nga Kalifornia Jugore është arrestuar nën dyshimin për përvetësim fondesh dhe raportohet se është parë në një bordello në jug të kufirit.

 

Peshkopi Emmanuel Shaleta, 69 vjeç, thuhet se u arrestua pak çaste përpara se të hipte në një fluturim për t’u larguar nga vendi.

 

Sipas FOX5/KUSI në San Diego, Shaleta, 69 vjeç, nga dioqeza e Shën Pjetrit Apostull, u arrestua nën dyshimin se kishte përvetësuar qindra mijëra dollarë nga kisha e tij. Ish-udhëheqësi i Kishës Kaldease në El Cajon ishte nën hetim nga Vatikani dhe nga departamenti i sherifit, pasi anëtarë të kishës kishin paraqitur ankesa.

 

Në këtë episod të “Border Report Live”, korrespondenti Salvador Rivera dhe moderatori Rudy Mireles diskutojnë rastin, përfshirë raportimet nga një publikim i fokusuar në çështjet katolike, sipas të cilave Shaleta është parë duke hyrë në Hong Kong Gentleman’s Club, një klub i njohur striptease dhe bordello në Tijuana.


Erdogan: Izraeli, i verbuar nga urrejtja, përdor fenë si mbulesë për gjenocid!

Friday, 27 March 2026 11:11

 

Presidenti i Turqisë, Recep Tayyip Erdogan ka kritikuar administratën izraelite, duke e cilësuar si një "rrjet gjenocidi të verbuar nga urrejtja" për shkak të veprimeve të saj në rajon, duke theksuar se ajo po e zhyt rajonin në trazirat më të këqija të këtij shekulli, raporton Anadolu.

"Lufta e nisur kundër Iranit po vazhdon të përfshijë rajonin në gjak dhe barut ndërsa raketat po godasin fëmijë të pafajshëm teksa janë në shkollë", tha presidenti Erdogan para drejtuesve rajonal të Partisë për Drejtësi dhe Zhvillim (AK) në Ankara, duke iu referuar shkollës së bombarduar në Minab të Iranit.

Qeveria e kryeministrit izraelit Benjamin Netanyahu, paralajmëroi presidenti Erdogan, jo vetëm që po shënjestron Iranin, por gjithashtu gradualisht po zbaton plane për të pushtuar Libanin.

Turqia, shtoi ai, nuk bën dallime "mes vëllezërve dhe fqinjëve të saj" dhe nuk qëndron duarkryq teksa ata vuajnë.

Sa i përket vendimit të Izraelit për të mos lejuar muslimanët të falin namazin e Bajramit në xhaminë Al-Aksa në Kuds, Erdogan tha se ndalimi i faljes së Bajramit në Al-Aksa, për herë të parë që nga viti 1967, është sulm i "pacipë" ndaj besimit të 2 miliardë muslimanëve.

"E drejta e muslimanëve për t'u falur në xhaminë Al-Aksa nuk mund të merret, të bllokohet apo të ndalohet, pavarësisht justifikimit", theksoi presidenti turk, duke kritikuar administratën izraelite.


Ushtria izraelite në prag shpërbërjeje? Shefi i Shtabit ngre alarmin për mungesën e trupave!

Friday, 27 March 2026 11:11

 

Udhëheqja ushtarake ngre “10 flamuj të kuq” ndërsa debati për rekrutimin intensifikohet gjatë luftës në vazhdim, raportojnë mediat

 

Shefi i ushtrisë së Izraelit paralajmëroi se ushtria mund të përballet me një kolaps të brendshëm nëse qeveria nuk adreson mungesën në rritje të personelit, raportuan të enjten mediat.

 

Duke folur gjatë një mbledhjeje të kabinetit të sigurisë të mërkurën, shefi i Shtabit të Përgjithshëm, gjeneral-lejtnant Eyal Zamir, tha: “Po ngre 10 flamuj të kuq përpara se Forcat e Mbrojtjes të Izraelit (IDF) të shemben nga brenda”, sipas The Jerusalem Post.

 

Burime ushtarake shprehën “shqetësim të madh” për mungesën e personelit, veçanërisht në kushtet e luftës në vazhdim, duke theksuar se edhe në kohë paqeje do të nevojiteshin më shumë trupa në disa fronte, përfshirë Gazën, Libanin, Sirinë dhe Bregun Perëndimor.

 

Zyrtarët paralajmëruan se pa shtim të personelit “do të ketë zona me boshllëqe të mëdha” në mbulimin operacional.

 

Mungesa lidhet pjesërisht me mungesën e një legjislacioni që do të zgjeronte ndjeshëm rekrutimin në radhët e komunitetit haredi (ultra-ortodoks).

 

Një projektligj që synonte rritjen e përfshirjes së haredimëve në ushtri u “la mënjanë” nga kryeministri Benjamin Netanyahu për të ruajtur unitetin gjatë luftës.

 

Figura të opozitës kritikuan ashpër qeverinë pas deklaratave të Zamir, duke paralajmëruar rreziqe më të gjera për sigurinë.

 

Anëtarë të partisë Yesh Atid e cilësuan ngecjen e rekrutimit si “rrezik për sigurinë”, duke shtuar se “nuk është më e mundur të injorohet kjo situatë”.

 

Lideri i opozitës, Yair Lapid, tha: “Në katastrofën e ardhshme, qeveria nuk do të mund të thotë ‘nuk e dinim’.”

 

Kreu i partisë Yisrael Beytenu, Avigdor Liberman, bëri thirrje për rekrutim universal, ndërsa ish-kryeministri Naftali Bennett u shpreh: “Çfarë po prisni, për hir të Zotit?”

 

Ish-shefi i ushtrisë, Gadi Eisenkot, deklaroi se shërbimi i detyrueshëm për të gjithë “është nevoja e momentit”, ndërsa figura të tjera politike paralajmëruan se mbështetja te rezervistët po arrin nivele të paqëndrueshme.

 
 
 

Back to top
XS
SM
MD
LG