Izraeli ka kryer një valë të re sulmesh në jug të Libanit, duke goditur qytetin e Tirit dhe zonat përreth tij. Ushtria izraelite thotë se objektiv ishin infrastruktura të Hezbollahut, ndërsa pamjet nga terreni tregojnë ndërtesa të shembura, zjarre dhe banorë që largohen mes pluhurit e rrënojave.
Fondi i krijuar për “Bordin e Paqes”, nismë e presidentit amerikan Donald Trump për menaxhimin dhe rindërtimin e Gazës pas luftës, nuk ka marrë ende asnjë financim të drejtpërdrejtë, pavarësisht premtimeve që arrinin në miliarda dollarë. Sipas një burimi të cituar nga Financial Times, në fond janë depozituar “zero dollarë”.
Presidenti amerikan, Donald Trump ka ngritur një padi për shpifje duke kërkuar të paktën 10 miliardë dollarë dëmshpërblim kundër Wall Street Journal për raportimin e saj mbi lidhjet e tij të dyshuara me Jeffrey Epstein, pasi një gjyqtar hodhi poshtë një version të mëparshëm për shkak të mangësive ligjore.
Padia është një nga disa që presidenti amerikan ka ngritur kundër mediave dhe është pjesë e asaj që kritikët e quajnë një fushatë më të gjerë presioni kundër medias.
NATO po bën përgatitje praktike për një “konflikt në shkallë të gjerë në Lindje ”, tha kreu i shërbimit të inteligjencës së jashtme SVR të Rusisë, Sergei Naryshkin, në fillim të një takimi të zyrtarëve të lartë përgjegjës për çështjet e sigurisë.
Mediat iraniane raportojnë se 4 anije që tentuan të kalonin Ngushticën e Hormuzit u detyruan të ktheheshin pas.
